ວັນພະຫັດ, ວັນທີ 05 ທັນວາ 2024
ກອງພັນໃຫຍ່ 941 ມອບເງິນອຸດໜູນ ໃຫ້ແກ່ພະນັກງານເສຍຊີວິດ
ເວລາອອກຂ່າວ: 2024-11-07 08:54:35 | ຜູ້ຂຽນ : admin1 | ຈຳນວນຄົນເຂົ້າຊົມ: 684 | ຄວາມນິຍົມ: 
ວັນທີ 5 ພະຈິກ 2024 ນີ້. ກອງພັນໃຫຍ່ 941 ໄດ້ມອບເງິນອຸດໜູນເສຍຊີວິດໃຫ້ແກ່ພະ ນັກງານຂຶ້ນ. ຢູ່ທີ່ສະໂມສອນຂອງກົມກອງ ໂດຍການໃຫ້ກຽດເຂົ້າຮ່ວມຂອງ ສະຫາຍ ພັນເອກ ພູໂຂງ ມະໂນລາ ເລຂາຄະນະ
ພັກ ຫົວໜ້າການເມືອງກອງພັນ ໃຫຍ່ 941 ພ້ອມດ້ວຍຂະແໜງ ການທີ່ກ່ຽວຂ້ອງ ເຂົ້າຮ່ວມ.
ດ້ວຍຄວາມເປັນຫ່ວງເປັນໄຍ ບໍ່ວ່າຍາມໃດຄະນະພັກ-ຄະ ນະບັນຊາກອງພັນໃຫຍ່ 941 ໄດ້ເອົາໃສ່ໃຈ ແລະ ບໍ່ຖິ້ມບໍ່ປະ ພະນັກງານ-ນັກຮົບທີ່ເສຍສະຫຼະ ອຸທິດຕົນເຂົ້າໃນການປະຕິວັດ ເຖິງຈະບໍ່ສາມາດປະຕິບັດໜ້າທີ່ໄດ້ ຫຼື ເສຍຊີວິດ ເພິ່ນກໍຍັງໃສ່ໃຈໃນຄອບຄົວຂອງພະນັກງານ ອີງ ຕາມກົດໝາຍ ວ່າດ້ວຍນາຍທະ ຫານກອງທັບປະຊາຊົນລາວ, ແລະ ກົດໝາຍ ວ່າດ້ວຍປະກັນສັງຄົມ ຕົກລົງເຫັນດີມອບເງິນອຸດໜູນເສຍຊີວິດໃຫ້ແກ່ສະຫາຍ ພັນຕີ ຈັນເພັດ ຄຳສົມພູ (ຜູ້ເສຍຊີວິດ). ເປັນຈຳນວນເງິນທັງໝົດ 96.978.000 ກີບ (ເກົ້າສິບຫົກລ້ານເກົ້າແສນເຈັດສິບແປດພັນກີບ). ໂດຍໃຫ້ກຽດມອບຂອງສະຫາຍ ພັນເອກ ພູໂຂງ ມະໂນລາ ເລຂາຄະນະພັກ ຫົວໜ້າການ ເມືອງກອງພັນໃຫຍ່ 941 ຕ່າງໜ້າຮັບໂດຍຄອບຄົວຂອງຜູ້ກ່ຽວ.
ສະຫາຍ ພັນເອກ ພູໂຂງ ມະໂນລາ ໄດ້ສະແດງຄວາມເສຍໃຈ ແລະ ອາໄລເຖິງພະນັກງານ ຜູ້ທີ່ເສຍຊີວິດ ແລະ ເນັ້ນໜັກ ບາງບັນຫາ ເພື່ອໃຫ້ຄອບຄົວຜູ້ທີ່ເສຍຊີວິດເຂົ້າໃຈເຊື່ອມຊຶມ ແລະ ນຳເອົາເນື້ອໃນຄວາມໝາຍອັນສຳຄັນ ໄປຈັດຕັ້ງປະຕິບັດ ແລະນຳເອົາເງິນຈຳນວນດັ່ງກ່າວໄປນຳໃຊ້ໃຫ້ເກີດປະໂຫຍດສູງສຸດ.
ໂດຍ: ຂັນທະວີ ແກ້ວກາໃຈ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
