ວັນສຸກ, ວັນທີ 06 ທັນວາ 2024
ເອີຣົບ ບັນລຸການຫຼຸດຜ່ອນການປ່ອຍອາຍພິດເຮືອນແກ້ວ
ເວລາອອກຂ່າວ: 2024-11-07 08:59:41 | ຜູ້ຂຽນ : admin3 | ຈຳນວນຄົນເຂົ້າຊົມ: 110 | ຄວາມນິຍົມ: 
ສຳນັກຂ່າວວິທະຍຸກະຈາຍສຽງຫວຽດນາມ ລາຍງານ ວັນທີ 4 ພະຈິກ 2024 ນີ້ວ່າ:ສະຫະພາບເອີຣົບ (EU) ບັນລຸໄດ້ບາດກ້າວ ຄືບໜ້າທີ່ດີພໍສົມຄວນໃນການຕໍ່ສູ້ ຕ້ານການປ່ຽນແປງ ຂອງດິນຟ້າອາກາດ ເມື່ອການປ່ອຍອາຍພິດເຮືອນແກ້ວ ຫຼຸດລົງ 8% ໃນປີ 2023. ນີ້ແມ່ນລະດັບຫຼຸດລົງຫຼາຍທີ່ສຸດ ໃນຫຼາຍທົດສະວັດຜ່ານມາ. ຕາມບົດລາຍງານ ສະບັບຫຼ້າສຸດ ຂອງອົງການສິ່ງແວດລ້ອມ ເອີຣົບ (EEA) ທີ່ປະກາດ ໃນທ້າຍເດືອນຕຸລາວ່າ: ການປ່ອຍອາຍພິດເຮືອນແກ້ວ ໃນປີ 2023 ໄດ້ຕ່ຳກວ່າ 37% ເມື່ອທຽບໃສ່ກັບ ຊຸມປີ 90 ຂອງສະຕະວັດກ່ອນ.
ຄວາມຄືບໜ້າທີ່ບັນລຸໄດ້ ສ່ວນຫຼາຍ ອີງຕາມ ການຫຼຸດຜ່ອນນຳໃຊ້ຖ່ານຫີນ, ແຫຼ່ງພະລັງງານຟອດຊິວ ທີ່ກໍ່ມົນລະພິດສິ່ງແວດລ້ອມອັນດັບຕົ້ນໆ ແລະ ການເຕີບໂຕຢ່າງແຮງຂອງບັນດາແຫຼ່ງ ພະລັງງານທົດແທນ ຄື ພະລັງ ງານແສງຕາເວັນ ແລະ ພະລັງງານແຮງລົມ.
ອັດຕາສ່ວນພະລັງງານທົດແທນ ໃນການຊົມໃຊ້ພະລັງງານຢູ່ ເອີຣົບ ໄດ້ເພີ່ມຂຶ້ນແຕ່ 10,2%ໃນປີ 2005 ຂຶ້ນເຖິງ 24%ໃນປີ 2023. ຄຽງຄູ່ກັນນັ້ນ, ເລື່ອງປະຊາຊົນ ແລະ ວິສາຫະກິດ ເອີຣົບ ນຳໃຊ້ພະລັງງານ ແບບປະຢັດ ກໍ່ປະກອບສ່ວນ ບໍ່ໜ້ອຍເຂົ້າໃນ ຜົນສຳເລັດນີ້.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
