ວັນສຸກ, ວັນທີ 06 ທັນວາ 2024
ກອງປະຊຸມ COP16 ບໍ່ບັນລຸໄດ້ຂໍ້ຕົກລົງ ກ່ຽວກັບການອຸປະຖຳປົກປ້ອງສັດປ່າ
ເວລາອອກຂ່າວ: 2024-11-07 09:01:43 | ຜູ້ຂຽນ : admin3 | ຈຳນວນຄົນເຂົ້າຊົມ: 147 | ຄວາມນິຍົມ: 
ວິທະຍຸກະຈາຍສຽງຫວຽດນາມ ລາຍງານໃຫ້ຮູ້ວັນທີ 4 ພະຈິກ 2023 ນີ້ວ່າ: ກອງປະຊຸມຄັ້ງທີ 16 ຂອງບັນດາຝ່າຍ ເຂົ້າຮ່ວມສົນທິສັນຍາ ສປຊ ກ່ຽວກັບຊີວະນາໆພັນ (COP16) ຢູ່ນະຄອນກາລີ ຂອງໂກໂລມບີ ໄດ້ອັດລົງເມື່ອບໍ່ດົນມານີ້ ເຊິ່ງບໍ່ບັນລຸໄດ້ຂໍ້ຕົກລົງກ່ຽວກັບວິວັດການ ເພີ່ມທະວີການອຸປະຖຳ ໃຫ້ແກ່ບັນດາການເຄື່ອນໄຫວປົກປ້ອງສັດປ່າ ແລະ ພືດຊະນິດຕ່າງໆ ທີ່ມີຄວາມສ່ຽງ ຖືກສູນພັນ. ກອງປະຊຸມ COP16 ທີ່ມີຂອບຂະໜາດໃຫຍ່ ທີ່ສຸດນັບແຕ່ກ່ອນ ມາຮອດ ປັດຈຸບັນ, ດ້ວຍການຈົດທະບຽນເຂົ້າຮ່ວມຂອງຜູ້ແທນປະມານ 23.000 ຄົນ. ກອງປະຊຸມ ເພື່ອແນໃສ່ຕີລາຄາ ແລະ ເພີ່ມທະວີຄວາມຄືບໜ້າ ໃນການປະຕິບັດສຳເລັດ 23 ເປົ້າໝາຍ ປີ 2030 ທີ່ໄດ້ຍົກອອກມາຢູ່ ການາດາ ກ່ອນນີ້ 2 ປີ ເພື່ອສະກັດກັ້ນການທຳລາຍ ທຳມະຊາດ ເຊິ່ງມວນມະນຸດ ກໍ່ຂຶ້ນ. ບັນດາເປົ້າໝາຍນີ້ລວມມີ ການປົກປ້ອງ 30% ເນື້ອທີ່ດິນຕໍ່ແຜນ ແລະ ຟື້ນຟູ 30% ລະບົບ ນິເວດ ທີ່ຖືກເຊື່ອມທາດຂາດຄຸນ, ມົນລະພິດ ແລະ ລົບລ້າງການໜູນຊ່ວຍທາງດ້ານກະສິ ແລະ ບ້ວງເງິນໜູນຊ່ວຍອື່ນໆ ທີ່ກໍ່ຜົນຮ້າຍຕໍ່ ທຳມະຊາດ. ເຖິງຢ່າງໃດກໍ່ຕາມ, ບັນດາ ການເຈລະຈາ ກ່ຽວກັບການອຸປະຖຳ ໃຫ້ແກ່ຊີວະນາໆພັນ ຖືກຢຸດສະຫງັກລົງ. ຢູ່ນະຄອນ ກາລີ, ບັນດາຜູ້ເຈລະຈາ ຖືກແບ່ງແຍກ ລະຫວ່າງ ກຸ່ມບັນດາປະເທດ ທຸກຍາກ ແລະ ປະເທດຮັ່ງມີ ກ່ຽວກັບການເພີ່ມທະວີ ການອຸປະຖຳ ແລະ ຄຳໝັ້ນສັນຍາຕ່າງໆ. ປະທານ COP16 ໄດ້ຍົກອອກ ຂໍ້ສະເໜີ ສ້າງກອງທຶນ ຊີວະນາໆພັນ ສະເພາະແຕ່ຖືກ ສະຫະພາບ ເອີຣົບ (EU), ສະວິດ ແລະ ຍີ່ປຸ່ນ ປະຕິເສດ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
