ວັນພຸດ, ວັນທີ 04 ທັນວາ 2024
ຣຽວມາດຣິດ ເສຍໃຫ້ ເອຊີ ມິລານ 3-1 ປະຕູ ໃນ ຢູຟ່າ ແຊັມປຽນລີກ
ເວລາອອກຂ່າວ: 2024-11-07 09:06:56 | ຜູ້ຂຽນ : admin3 | ຈຳນວນຄົນເຂົ້າຊົມ: 108 | ຄວາມນິຍົມ: 
ບານເຕະ ຢູຟ່າ ແຊັມປຽນລີກ ໃນວັນທີ 5 ພະຈິກ 2024, ໂດຍການພົບການລະຫວ່າງ ສະໂມສອນ ຣຽວ ມາດຣິດ ຈາກແອັດສະປາຍ ແລະ ສະໂມສອນ ເອຊີ ມິລານ ຈາກອີຕາລີ ຜ່ານການແຂ່ງຂັນທັງສອງທີມມີໂອກາດຍິງປະຕູໄດ້ທັງຄູ່ ແຕ່ສະໂມສອນ ເອຊີ ມິລານ ຟອມການຫຼິ້ນດີ ແລະ ຍິງໄດ້ຄົມກວ່າສະໂມສອນ ຣຽວ ມາດຣິດ ເຮັດໃຫ້ ສະໂມສອນ ເອຊີ ມິລານ ຊະນະໄປ ດ້ວຍຄະແນນ 3-1 ປະຕູ.
ເກມການຫຼິ້ນຄັ້ງດັ່ງກ່າວ, ສະໂມສອນ ເອຊີ ມິລານ ໄດ້ປະຕູອອກນຳກ່ອນ 1-0 ປະຕູ ໃນນາທີທີ 12 ຈາກການຍິງຂອງ ມາລີ ເຊົາທະວາ ຫຼັງຈາກນັ້ນ ສະໂມສອນ ຣຽວ ມາດຣິດ ຮືດສູ້ ແລະ ຕາມມາໄດ້ປະຕູຕີສະເໝີເປັນ 1-1 ປະຕູ ໃນນາທີທີ 23 ເຊິ່ງໄດ້ປະຕູຈາກການຍິງຈຸດໂທດຂອງ ວິນິ ຊີອຸດ ຈູເນຍ. ເກມດຳເນີນມາຮອດນາທີທີ 39 ເອຊີ ມິລານ ມາໄດ້ປະຕູຂຶ້ນນຳອີກຄັ້ງເປັນ 2-1 ປະຕູ ຈາກການຍິງຂອງ ອັນບຣາໂຣ ໂມຮາຕ້າ ແລະ ມານາທີທີ 73 ມາໄດ້ປະຕູຈາກການຍິງຂອງ ທິຍານີ ໄຮເດີ ເປັນ 3-1 ປະຕູ. ຈາກໄຊຊະນະນັດດັ່ງກ່າວເຮັດໃຫ້ສະໂມສອນ ເອຊີ ມິລານ ມີ 6 ຄະແນນຈາກການລົງຫຼິ້ນ 4 ນັດ ຢູ່ອັນດັບທີ 18 ຂອງຕາຕະລາງ, ສ່ວນສະໂມສອນ ຣຽວ ມາດຣິດ ມີ 6 ຄະແນນເຊັ່ນດຽວກັນ ແຕ່ຢູ່ທີອັນດັບທີ 17 ຂອງຕາຕະລາງ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
