ວັນສຸກ, ວັນທີ 13 ທັນວາ 2024
ປະກາດການບົ່ງຕົວແຕ່ງຕັ້ງ ເລຂາ, ຮອງເລຂາ ຄະນະພັກຮາກຖານ ຫ້ອງການຄະນະກຳມະການ ປກຊ-ປກສ ສູນກາງ
ເວລາອອກຂ່າວ: 2024-11-07 14:28:25 | ຜູ້ຂຽນ : admin2 | ຈຳນວນຄົນເຂົ້າຊົມ: 1821 | ຄວາມນິຍົມ: 
ພິທີປະກາດການບົ່ງຕົວແຕ່ງຕັ້ງເລຂາ, ຮອງເລຂາ ຄະນະພັກຮາກຖານ ຫ້ອງການຄະນະກຳມະການ ປກຊ-ປກສ ສູນກາງ ໄດ້ຈັດຂຶ້ນໃນວັນທີ 7 ພະຈິກ 2024 ນີ້, ຢູ່ທີ່ກະຊວງປ້ອງກັນປະເທດ, ໂດຍການເປັນປະທານຂອງ ສະຫາຍ ພົນໂທ ຄຳລຽງ ອຸທະໄກສອນ ກໍາມະການສູນກາງພັກ, ຮອງເລຂາ ຄະນະບໍລິຫານງານພັກກະຊວງປ້ອງກັນປະເທດ, ຄະນະກຳມະການ ປກຊ-ປກສ ສູນກາງ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ເສນາທິການກອງທັບ, ມີບັນດາສະຫາຍແຂກທີ່ຖືກເຊີນ ຈາກຫ້ອງວ່າການກະຊວງປ້ອງກັນປະເທດ, ຫ້ອງວ່າການກະຊວງປ້ອງກັນຄວາມສະຫງົບ, ກົມຈັດຕັ້ງພັກ, ກົມພະນັກງານ, ກົມ 213, ບັນດາຫ້ອງການ 4 ກົມໃຫຍ່, ຄະນະພັກຮາກຖານ, ຄະນະໜ່ວຍພັກ ແລະ ພະນັກງານ-ສະມາຊິກພັກ ທົ່ວຫ້ອງການຄະນະກຳມະການ ປກຊ-ປກສ ສູນກາງ ເຂົ້າຮ່ວມ.
ສະຫາຍ ພົນຈັດຕະວາ ຈັນທາ ບຸນນະວົງ ຫົວໜ້າກົມຈັດຕັ້ງພັກ ກົມໃຫຍ່ການເມືອງກອງທັບ ໄດ້ຜ່ານມະຕິຕົກລົງ ຂອງຄະນະພັກ ກະຊວງປ້ອງກັນປະເທດ ວ່າດ້ວຍການບົ່ງຕົວແຕ່ງຕັ້ງເລຂາ, ຮອງເລຂາ ຄະນະພັກຮາກຖານ ຫ້ອງການຄະນະກຳມະການ ປກຊ-ປກສ ສູນກາງ ໃນນີ້, ຄະນະພັກ ກະຊວງປ້ອງກັນປະເທດ ຕົກລົງ: ແຕ່ງຕັ້ງ ສະຫາຍ ພົນຈັດຕະວາ ຄໍາຜິວ ມະນີວົງ ເປັນເລຂາຄະນະພັກຮາກຖານ ຫ້ອງການຄະນະກຳມະການ ປກຊ-ປກສ ສູນກາງ ແລະ ສະຫາຍ ພົນຈັດຕະວາ ທຸມມາ ພົມມະທຳ ເປັນຮອງເລຂາ ຄະນະພັກຮາກຖານ ຫ້ອງການຄະນະກຳມະການ ປກຊ-ປກສ ສູນກາງ.
ສະຫາຍ ພົນໂທ ຄຳລຽງ ອຸທະໄກສອນ ໄດ້ມີຄຳເຫັນໂອລົມຫຼາຍບັນຫາທີ່ສຳຄັນ ພ້ອມທັງ ເນັ້ນໃຫ້ຄະນະພັກ-ຄະນະບັນຊາ, ພະນັກງານສະມາຊິກພັກ ແລະ ຜູ້ທີ່ໄດ້ຮັບການມອບໝາຍໜ້າທີ່ໃໝ່ ສືບຕໍ່ສຶກສາອົບຮົມການເມືອງ-ນຳພາແນວຄິດ, ເຝິກຜົນຫຼໍ່ຫຼອມຕົນເອງ ໃຫ້ມີຄຸນທາດການເມືອງໜັກແໜ້ນ, ມີຄຸນສົມບັດສິນທໍາປະຕິວັດ, ມີແບບແຜນການດຳລົງຊີວິດທີ່ດີ, ມີແບບແຜນວິທີເຮັດວຽກ ທີ່ມີວິທະຍາສາດ, ເຮັດວຽກເປັນໝູ່ຄະນະ, ແບ່ງໃຫ້ບຸກຄົນຮັບຜິດຊອບ, ກ້າເຮັດກ້າຕັດສີນໃຈ ແລະ ຍ້ອມຮັບໃນສິ່ງທີ່ຖືກຕ້ອງ, ເສີມຂະຫຍາຍມູນເຊື້ອການນໍາພາຂອງພັກ ໃຫ້ເລິກເຊິ່ງ, ສ້າງໃຫ້ໄດ້ຄວາມສາມັກຄີພາຍໃນ ເປັນປຶກແຜ່ນແໜ້ນໜາບົນພື້ນຖານຮ່ວມແຮງຮ່ວມໃຈຈັດຕັ້ງປະຕິບັດຕາມແນວທາງນະໂຍບາຍ ຂອງພັກ-ລັດ, ຕັ້ງໜ້າປະກອບສ່ວນປັບປຸງກຳລັງ, ກົມກອງ ໃຫ້ໜັກແໜ້ນເຂັ້ມແຂງ, ຕັ້ງໜ້າເຝິກຝົນຫຼໍ່ຫຼອມຕົນເອງ ໃຫ້ມີຄວາມຮູ້-ຄວາມສາມາດ, ມີຄວາມສະດຸ້ງໄວຕໍ່ສະພາບການ ເພື່ອພ້ອມກັນເຮັດສຳເລັດໜ້າທີ່ການເມືອງ ທີ່ ພັກ-ລັດ ແລະ ການຈັດຕັ້ງຂັ້ນເທິງມອບໝາຍໃຫ້.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
