POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 10 ທັນວາ 2024

ກົມປະກັນສັງຄົມ ປິດບັ້ນເຝີກອົບຮົມການຕິດຕາມນຳໃຊ້ລະບົບລາຍງານການປິ່ນປົ່ວສຸຂະພາບຂອງໂຮງໝໍ
ເວລາອອກຂ່າວ: 2024-11-07 15:18:35 | ຜູ້ຂຽນ : admin2 | ຈຳນວນຄົນເຂົ້າຊົມ: 1651 | ຄວາມນິຍົມ:

ໃນວັນທີ 7 ພະຈິກ 2024 ນີ້. ກົມປະກັນສັງຄົມກົມໃຫຍ່ການເມືອງກອງທັບ ໄດ້ປິດບັ້ນເຝີກອົບຮົມໄລຍະສັ້ນ ລະບົບລາຍງານການປິ່ນປົ່ວສຸຂະພາບຂອງໂຮງໝໍ ໃຫ້ບັນດາພະແນກ - ຂະແໜງປະກັນສັງຄົມ 27 ແຫ່ງທີ່ມີໂຮງໝໍຂຶ້ນກັບ, ໂດຍການເປັນປະທານຂອງ ສະຫາຍ ພັນເອກ ອີນຕອງ ໄຊຍະວົງ ຮອງຫົວໜ້າ ກົມປະກັນສັງຄົມ ກົມໃຫຍ່ການເມືອງກອງທັບ, ມີຫົວໜ້າພະແນກ, ຮອງພະແນກ, ຕະຫຼອດຮອດນັກເຝິກອົບຮົມເຂົ້າຮ່ວມ. ສະຫາຍ ພັນເອກ ອີນຕອງ ໄຊຍະວົງ ໄດ້ກ່າວວ່າ: ການເຝິກອົບຮົມຄັ້ງນີ້ ແມ່ນມີຄວາມຈຳເປັນ ແລະ ສໍາຄັນຫຼາຍ, ສໍາລັບພະນັກງານຂອງພະແນກ-ຂະແໜງປະກັນສັງຄົມ ຢູ່ແຕ່ລະກົມກອງ ໃນການ ຮັບຮູ້ບົດຮຽນອັນໃໝ່ ກ່ຽວກັບການຄຸ້ມຄອງ, ຕິດຕາມ, ກວດກາ, ສະຫຼຸບລາຍງານລາຍຈ່າຍໃນແຕ່ລະມື້, ເດືອນ ແລະ ປີ ຂອງສະມາຊິກປະກັນສັງຄົມທີ່ເຂົ້າມາໃຊ້ ບໍລິການພາຍໃນໂຮງໝໍຂອງຕົນໃຫ້ຖືກຕ້ອງ, ຄົບຖ້ວນ, ຊັດເຈນ ແລະ ສາມາດເບີກຈ່າຍ ຮ່ວງເງິນປະກັນສຸຂະພາບໄດ້ຖືກຕ້ອງ ແລະ ທັນກຳນົດເວລາ ໃຫ້ພະແນກ-ຂະແໜງປະກັນສຸຂະພາບຢູ່ໂຮງໝໍ, ຜົນສໍາເລັດຂອງການເຝິກອົບຮົມຄັ້ງນີ້ ເປັນພຽງການແນະນໍາບາງ ຂັ້ນຕອນ ແລະ ຫຼັກການທີ່ເປັນພື້ນຖານເທົ່ານັ້ນ, ແຕ່ອັນສໍາຄັນທີ່ສຸດ ແມ່ນບັນດາ ນັກເຝິກອົບຮົມ ແຕ່ລະສະຫາຍຕ້ອງໄດ້ນໍາເອົາບົດຮຽນດັ່ງກ່າວ ໄປນໍາໃຊ້ເຂົ້າໃນ ວຽກງານຕົວຈິງຢູ່ໃນກົມກອງຂອງຕົນ ໃຫ້ຖືກຕ້ອງຕາມລະບຽບການ ສາມາດກວດກາ, ຕິດຕາມ, ສະຫຼຸບລາຍງານ ໃຫ້ຄະນະພັກ-ຄະນະບັນຊາ ແລະ ກົມປະກັນສັງຄົມ ໄດ້ຢ່າງ ຖືກຕ້ອງ ແລະ ທັນກັບກຳນົດເວລາຕາມຂໍ້ກຳນົດຂອງຂັ້ນເທິງວາງອອກ, ນອກນີ້, ການເຝິກອົບຮົມໃນໄລຍະຜ່ານມາເຫັນໄດ້ວ່າ ທຸກສະຫາຍ ແມ່ນມີຄວາມເຂົ້າໃຈກ່ຽວກັບ ລະບົບ ແລະ ຄໍາສັບ ຫຼື ຄໍາເວົ້າ ໃນບັນດາບົດລາຍງານຕ່າງໆ ທີ່ຢູ່ໃນລະບົບໂປຼແກຣມ, ເນື່ອງ ຈາກແຕ່ລະສະຫາຍມີພື້ນຖານການນໍາໃຊ້ຄອມພີວເຕີ ແລະ ມີຄວາມຮູ້ດ້ານວິຊາສະເພາະຢູ່ແລ້ວ ຈຶ່ງເຂົ້າໃຈລະບົບໂປຼແກຣມການເຝິກອົບຮົມໃນຄັ້ງນີ້ໄດ້ເປັນຢ່າງດີ. ຜ່ານການເຝິກອົບຮົມຜ່ານມາສາມາດປະເມີນຜົນໄດ້ຮັບຕົວຈິງຄື: ກົມກອງທີໄດ້ຮັບຜົນສະເລ່ຍ 100% ມີຢູ່ 8 ກົມກອງ (ໂຮງໝໍ ສູນກາງ 103, ໂຮງໝໍ ບໍລິເວນ 109 ກອງທັບ, ໂຮງໝໍກອງພົນທີ 3, ໂຮງໝໍທະຫານແຂວງ ໄຊຍະບູລີ, ໂຮງໝໍທະຫານແຂວງ ຫຼວງນໍ້າທາ, ໂຮງໝໍທະຫານແຂວງອຸດົມໄຊ, ໂຮງໝໍທະຫານແຂວງສະຫວັນນະເຂດ ແລະ ໂຮງໝໍທະຫານນະຄອນຫຼວງວຽງຈັນ), ໄດ້ 90- 95% ມີຢູ່ 15 ກົມກອງ ແລະ ໄດ້ 70-85% ມີຢູ່ 4 ກົມກອງ ທີ່ຕ້ອງໄດ້ເອົາໃຈໃສ່ຕື່ມ. ການປະເມີນຜົນສະເລ່ຍລວມ ແມ່ນໄດ້ 95%.

news to day and hot news