ວັນພະຫັດ, ວັນທີ 05 ທັນວາ 2024
ກອງພັນ 617 ທະຫານແຂວງບໍລິຄຳໄຊ ບໍລິຈາກເລືອດຊ່ວຍເຫຼືອສັງຄົມ
ເວລາອອກຂ່າວ: 2024-11-11 09:01:56 | ຜູ້ຂຽນ : admin1 | ຈຳນວນຄົນເຂົ້າຊົມ: 512 | ຄວາມນິຍົມ: 
ທ້າຍເດືອນຕຸລາຜ່ານມານີ້, ອົງການກາແດງແຂວງບໍລິຄຳໄຊ ນຳພາໂດຍ ທ່ານ ສີສຸພັນ ວົງວິໄລ ຮອງຫົວໜ້າອົງ ການກາ ແດງແຂວງບໍລິຄຳໄຊ ພ້ອມດ້ວຍ ພະນັກງານວິຊາການ ໄດ້ເຄື່ອນໄຫວຮັບບໍລິຈາກເລືອດ ຢູ່ກອງພັນ 617 ກອງບັນຊາການທະຫານແຂວງບໍລິຄຳໄຊ, ມີສະຫາຍ ພັນໂທ ຄອນວິໄລ ໄຊຍະວົງ ຊ່ວຍວຽກພະແນກເສນາຮັກ ແລະ ວິ ຊາການທີ່ກ່ຽວຂ້ອງ ເຂົ້າຮ່ວມ.
ກ່ອນການບໍລິຈາກເລືອດ ວິຊາການຈາກອົງການກາແດງແຂວງບໍລິຄຳໄຊ ໄດ້ອະທິບາຍກ່ຽວກັບຄວາມໝາຍຄວາມສຳ ຄັນຂອງເລືອດ, ບັນດາໝວດເລືອດຕ່າງໆ, ການຜະລິດເລືອດໃນຮ່າງກາຍຂອງຄົນ ແລະ ຄຸນປະໂຫຍດຂອງເລືອດ, ເຊິ່ງມີຜູ້ສະໝັກໃຈບໍລິຈາກເລືອດທັງໝົດ 28 ສະຫາຍ, ໄດ້ເລືອດ 28 ຖົງ.
ການເຄື່ອນໄຫວຮັບບໍລິຈາກເລືອດ ແມ່ນວຽກງານໜຶ່ງທີ່ສຳ ຄັນ ແລະ ເປັນການປຸກລະດົມຂົນ ຂວາຍຊອກຫາເລືອດເພື່ອຊ່ວຍ ເຫຼືອສັງຄົມ, ຊອກຫາເລືອດໄວ້ຮອງຮັບ ແລະ ຕອບສະໜອງໃຫ້ ແກ່ໂຮງໝໍແຫ່ງຕ່າງໆ ເພື່ອຊ່ວຍ ເຫຼືອຄົນເຈັບທີ່ຂາດເລືອດ, ຄົນເຈັບມີຄວາມຈຳເປັນຕ້ອງໃຊ້ເລືອດ ເພື່ອກອບກູ້ເອົາຊີວິດ ແລະ ເປັນວຽກໜຶ່ງທີ່ຕິດພັນກັບທຸກພາກສ່ວນຂອງສັງຄົມ ເພາະການບໍລິຈາກເລືອດ ໄດ້ສະແດງເຖິງຄວາມມີນ້ຳໃຈຕໍ່ເພື່ອນມະນຸດດ້ວຍກັນ ແລະ ຕໍ່ສັງຄົມ.
ໂດຍ: ນາງ ນ້ອຍ ບານທະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
