ວັນພະຫັດ, ວັນທີ 05 ທັນວາ 2024
ກອງພັນໃຫຍ່ 497 ມອບບັດສະມາຊິກພັກສົມບູນ ຊຸດທີ VII
ເວລາອອກຂ່າວ: 2024-11-12 09:02:56 | ຜູ້ຂຽນ : admin1 | ຈຳນວນຄົນເຂົ້າຊົມ: 671 | ຄວາມນິຍົມ: 
ພິທີ ມອບ-ຮັບ ບັດສະມາຊິກພັກສົມບູນ ຊຸດທີ VII ຂອງກອງພັນໃຫຍ່ 497 ໄດ້ຈັດຂຶ້ນໃນວັນ 6 ພະຈິກ 2024 ນີ້, ທີ່ສະໂມສອນ ກອງພັນເຄື່ອນທີ່ໄວ 428, ໂດຍການເປັນປະທານຂອງ ສະຫາຍ ພັນເອກ ຄຳສຸກ ໄຊມວນສິນ ຮອງເລຂາຄະນະພັກ, ຫົວໜ້າການທະຫານ ກອງພັນໃຫຍ່ 497, ມີຄະນະພັກຮາກຖານ, ໜ່ວຍພັກ, ຂະແໜງການທີ່ກ່ຽວຂ້ອງ ຕະຫຼອດຮອດບັນດາສະມາຊິກພັກສົມບູນ ທີ່ໄດ້ຮັບບັດ ເຂົ້າຮ່ວມ.
ສະຫາຍ ຮ້ອຍເອກ ພຸດແພງ ໄຊຍະທອງ ຊ່ວຍວຽກຂະແໜງຈັດຕັ້ງພັກ ກອງພັນໃຫຍ່ 497 ໄດ້ຜ່ານມະຕິຕົກລົງ ຂອງຄະນະພັກກະຊວງປ້ອງກັນປະເທດ ວ່າດ້ວຍການຮັບຮອງອອກບັດສະມາຊິກພັກສົມບູນ ຂອງພັກປະຊາຊົນປະຕິວັດລາວ, ຄະນະພັກກະຊວງປ້ອງກັນປະເທດຕົກລົງ ຮັບຮອງການ ອອກບັດ-ມອບບັດ ສະມາຊິກພັກ ຊຸດທີ VII ໃຫ້ບັນດາສະມາຊິກພັກສົມບູນ ຢູ່ຄະນະພັກກອງພັນໃຫຍ່ 497 ຈຳນວນ 119 ສະຫາຍ ໃນນີ້, ສະເພາະສະມາຊິກພັກສົມບູນ ຢູ່ຄະນະພັກຮາກຖານກົມກອງທີ່ຂຶ້ນກັບກອງພັນໃຫຍ່ ຈຳນວນ 62 ສະຫາຍ, ຍິງ 2 ສະຫາຍ.
ໂອກາດນີ້, ສະຫາຍ ພັນເອກ ຄຳສຸກ ໄຊມວນສິນ ໄດ້ສະແດງຄວາມຍ້ອງຍໍຊົມເຊີຍຕໍ່ບັນດາຜົນງານທີ່ສະມາຊິກພັກສົມບູນສ້າງມາໄດ້ ພ້ອມທັງຍົກໃຫ້ເຫັນຄວາມໝາຍ ຄວາມສຳຄັນ ແລະ ຄວາມຈຳເປັນ ຂອງການອອກບັດ, ການນຳໃຊ້ບັດສະມາຊິກພັກ ແລະ ຮຽກຮ້ອງໃຫ້ເອົາໃຈໃສ່ ຮັກສາຜົນງານ ແລະ ຮັກສາບັດຂອງຕົນໃຫ້ດີ, ສືບຕໍ່ປະຕິບັດ ແນວທາງນະໂຍບາຍຂອງພັກ ກົດໝາຍຂອງລັດ ແລະ ຂໍ້ກຳນົດ, ກົດລະບຽບຂອງກອງທັບ, ຕັ້ງໜ້າເຝິກຝົນຫຼໍ່ຫຼອມຕົນເອງທາງດ້ານຄວາມຮູ້ ຄວາມສາມາດ, ຄຸນສົມບັດ, ສິນທຳປະຕິວັດ ເປັນແບບຢ່າງທີ່ດີໃຫ້ແກ່ມະຫາຊົນ, ອອກແຮງປະກອບສ່ວນເຂົ້າໃນການປັບປຸງກໍ່ສ້າງພັກ, ໃຫ້ປອດໃສ ເຂັ້ມແຂງ ໜັກແໜ້ນ.
ໂດຍ: ເປີ້ນ ແສງຄຳມີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
