ວັນຈັນ, ວັນທີ 20 ມັງກອນ 2025
ທະຫານແຂວງຫຼວງພະບາງ ມອບເງິນອຸດໜູນ ໃຫ້ນາຍທະຫານ ພັກການ ຮັບບຳນານ
ເວລາອອກຂ່າວ: 2024-12-04 09:25:04 | ຜູ້ຂຽນ : admin1 | ຈຳນວນຄົນເຂົ້າຊົມ: 1303 | ຄວາມນິຍົມ: 
ໃນວັນທີ 27 ພະຈິກ 2024 ນີ້, ກອງບັນຊາການທະຫານ ແຂວງຫຼວງພະບາງໄດ້ຈັດພິທີ ມອບເງິນອຸດໜູນໃຫ້ນາຍທະ ຫານພັກການຮັບບຳນານ ໂດຍການເປັນປະທານຂອງ ສະຫາຍ ພັນໂທ ສົມໃຈ ສີສະຫວັດ ກໍາ ມະການຄະນະພັກກອງບັນຊາການ, ຮອງຫົວໜ້າຫ້ອງການ ເມືອງທະຫານແຂວງ, ມີຜູ້ຕາງ ໜ້າອົງການ 5 ຫ້ອງ, ພະແນກ ການທີ່ກ່ຽວຂ້ອງ ແລະ ພະນັກ ງານບຳນານເຂົ້າຮ່ວມ.
ສະຫາຍ ພັນໂທ ເພັງວົງພັນ ວົງໄຊຍະລາດ ຫົວໜ້າພະແນກ ພະນັກງານ ຫ້ອງການເມືອງ ທະ ຫານແຂວງ ໄດ້ຜ່ານຂໍ້ຕົກລົງ ວ່າດ້ວຍການອະນຸມັດໃຫ້ນາຍທະຫານ ພັກການ ຮັບບຳນານ, ໂດຍປະຕິບັດຕາມກົດໝາຍ ວ່າດ້ວຍປະກັນສັງຄົມ (ສະບັບປັບປຸງ) ແລະ ອີງຕາມກົດໝາຍ ວ່າດ້ວຍນາຍທະຫານ ກອງທັບປະຊາຊົນລາວ (ສະບັບປັບປຸງ) ໃນນີ້, ກະຊວງປ້ອງກັນປະເທດ ຕົກລົງອະນຸມັດໃຫ້ນາຍທະຫານຢູ່ກອງບັນຊາການທະຫານແຂວງຫຼວງພະບາງ ພັກການ ເຂົ້າຮັບບຳນານ ຈຳນວນ 6 ສະຫາຍ ແລະ ມອບເງິນ 5% ແລະ 15% ລວມທັງໝົດ 107.543.000 ກີບ ໃຫ້ພາກສ່ວນກ່ຽວຂ້ອງ.
ໂອກາດນີ້, ສະຫາຍ ພັນໂທ ສົມໃຈ ສີສະຫັວດ ໄດ້ສະແດງຄວາມຍ້ອງຍໍຊົມເຊີຍຕໍ່ບັນດາສະຫາຍທີ່ໄດ້ເສຍສະຫຼະ, ສຸມສະຕິປັນຍາ, ເຫື່ອແຮງຂອງຕົນ ປະກອບສ່ວນເຂົ້າໃນການປະຕິບັດໜ້າທີ່ວຽກງານ ທີ່ພັກ- ລັດ ແລະ ການຈັດຕັ້ງຂັ້ນເທິງມອບໝາຍໃຫ້, ລວມທັງຜົນງານການເຄື່ອນໄຫວຂະບວນການດ້ານຕ່າງໆ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ກໍຄືການນຳພາ-ຊີ້ນຳ, ສຶກສາອົບຮົມພະນັກງານ-ນັກຮົບ ປະກອບສ່ວນເຂົ້າໃນການປັບປຸງກໍ່ສ້າງກົມກອງໃນ ໄລຍະຜ່ານມາ, ພ້ອມທັງຮຽກ ຮ້ອງໃຫ້ສືບຕໍ່ຮັກສາ ແລະ ເສີມຂະຫຍາຍມູນເຊື້ອອັນດີງາມ ແລະສືບຕໍ່ສຶກສາອົບຮົມການເມືອງ- ນໍາພາແນວຄິດໃຫ້ລູກຫຼານໄດ້ ຮັບຮູ້ເຊື່ອມຊຶມຕໍ່ແນວທາງນະ ໂຍບາຍຂອງພັກ, ຍົກສູງສະຕິ ເຄົາລົບກົດໝາຍຂອງລັດ, ອວຍ ພອນໃຫ້ບັນດາສະຫາຍພະນັກ ງານທີ່ເຂົ້າຮັບບຳນານ ຈົ່ງຮັກ ສາສຸຂະພາບຂອງຕົນໃຫ້ແຂງ ແຮງ ເພື່ອເປັນແວ່ນແຍງໃຫ້ແກ່ພະນັກງານຮຸ່ນສືບທອດ.
ໂດຍ: ສົມພອນ ສຸວັນທອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
