POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 22 ມັງກອນ 2025

ສຸມໃສ່ສ້າງຂະບວນການດ້ານຕ່າງໆ ຕ້ອນຮັບກອງປະຊຸມໃຫຍ່ຜູ້ແທນ ຄັ້ງທີ VI ຂອງອົງຄະນະພັກ ກົມໃຫຍ່ການເມືອງກອງທັບ
ເວລາອອກຂ່າວ: 2024-12-04 09:28:35 | ຜູ້ຂຽນ : admin1 | ຈຳນວນຄົນເຂົ້າຊົມ: 1514 | ຄວາມນິຍົມ:

ສະຫາຍ ພົນຈັດຕະວາ ທອງດຳ ພົງສະຫວັດ ຫົວໜ້າກົມປ້ອງກັນພາຍໃນ ກົມໃຫຍ່ການເມືອງກອງທັບ ໄດ້ໃຫ້ສຳພາດ ເນື່ອງໃນໂອກາດສ້າງຂະບວນການເພື່ອຂ່ຳນັບຮັບຕ້ອນກອງປະຊຸມໃຫຍ່ ຄັ້ງທີ VI ຂອງອົງຄະນະພັກ ກົມໃຫຍ່ການເມືອງກອງທັບ ທີ່ຈະຈັດຂຶ້ນໃນມໍ່ໆນີ້ ໃຫ້ຮູ້ວ່າ: ໃນໄລຍະຜ່ານມາ, ຄະນະພັກ-ຄະນະບັນຊາ ກົມປ້ອງກັນພາຍໃນ ຍາມໃດກໍໄດ້ເປັນເຈົ້າການນຳພາ-ຊີ້ນໍາ ປະຕິບັດໜ້າທີ່ການເມືອງຂອງກົມກອງ ໃນການຈັດຕັ້ງດຳເນີນວຽກງານປ້ອງກັນພາຍໃນ-ປ້ອງກັນຄວາມສະຫງົບໃນກອງທັບ, ປະຕິບັດສິດອົງການສືບສວນ-ສອບສວນ ຕາມທີ່ໄດ້ກຳນົດໄວ້ໃນກົດໝາຍ, ເຮັດໜ້າທີ່ປ້ອງກັນຄວາມສະຫງົບປອດໄພໃຫ້ແກ່ການນຳພັກ-ລັດ, ການນຳກະຊວງປ້ອງກັນປະເທດ, ເກັບກຳ ແລະ ຄຸ້ມຄອງສະພາບການເມືອງພາຍໃນ ເຮັດໃຫ້ກອງທັບມີຄວາມປອດໃສທາງດ້ານການເມືອງ, ໜັກແໜ້ນເຂັ້ມແຂງທາງດ້ານການຈັດຕັ້ງ, ສຶກສາອົບຮົມໃຫ້ສະມາຊິກພັກ, ພະນັກງານ-ນັກຮົບ ຍົກສູງສະຕິລະວັງຕົວປະຕິວັດ, ເປັນເຈົ້າການປ້ອງກັນຕົນເອງ, ປ້ອງກັນກົມກອງ, ປ້ອງກັນກອງທັບ, ດຳເນີນວຽກງານສືບສວນ-ສອບສວນແກ້ໄຂຄະດີທີ່ພົວພັນເຖິງຄວາມສະຫງົບໃນກອງທັບ, ຊຸກຍູ້ຂະບວນການກໍ່ສ້າງກອງປອດໃສ ປອດໄພ ປອດຄະດີ ໃຫ້ເປັນຂະບວນການຟົດຟື້ນ ແລະ ວຽກງານອື່ນໆ ທີ່ກ່ຽວຂ້ອງກັບໜ້າທີ່ການເມືອງຂອງກົມກອງ ໄດ້ຮັບການຈັດຕັ້ງປະຕິບັດມີໝາກຜົນຕົວຈິງ. ພ້ອມກັນນັ້ນ, ໄດ້ເອົາໃຈໃສ່ປັບປຸງກໍ່ສ້າງອົງການປ້ອງກັນພາຍໃນ, ກໍ່ສ້າງພະນັກງານທີ່ເຮັດວຽກງານປ້ອງກັນພາຍໃນ ໃຫ້ມີຄວາມຮູ້ຄວາມສາມາດນັບມື້ສູງຂຶ້ນ ເພື່ອຕອບສະໜອງກັບໜ້າທີ່ການເມືອງໃນໄລຍະໃໝ່ ພ້ອມທັງໄດ້ເອົາໃຈໃສ່ປັບປຸງກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ເຮັດໃຫ້ຄະນະພັກຮາກຖານ ກົມປ້ອງກັນພາຍໃນ ໄດ້ຮັບການຢັ້ງຢືນເປັນ ໜ່ວຍພັກປອດໃສ ເຂັ້ມແຂງ ໜັກແໜ້ນ ຢ່າງຕໍ່ເນື່ອງ. ສະຫາຍ ຫົວໜ້າກົມປ້ອງກັນພາຍໃນ ໄດ້ກ່າວຕື່ມວ່າ: ເພື່ອຂໍ່ານັບຮັບຕ້ອນກອງປະຊຸມໃຫຍ່ ຄັ້ງທີ VI ຂອງອົງຄະນະພັກກົມໃຫຍ່ການເມືອງກອງທັບ ແລະ ວັນສ້າງຕັ້ງກົມປ້ອງກັນພາຍໃນ ຄົບຮອບ 69 ປີ (30 ທັນວາ 1955-30 ທັນວາ 2024) ທີ່ຈະມາເຖິງ ໃຫ້ເປັນຂະບວນການຟົດຟື້ນ, ກວ້າງຂວາງ ແລະ ມີເນື້ອໃນຄວາມໝາຍເລິກເຊິ່ງ, ກົມກອງປ້ອງກັນພາຍໃນ ໄດ້ສຸມໃສ່ຫ້າງຫາກະກຽມສ້າງຂະບວນການດ້ານຕ່າງໆ ເປັນຕົ້ນແມ່ນ ຂະບວນການສຶກສາອົບ ຮົມການເມືອງ-ນຳພາແນວຄິດ ສະມາຊິກພັກ, ພະນັກງານ-ນັກຮົບໃຫ້ຍົກສູງສະຕິລະວັງຕົວປະຕິວັດ, ຕັ້ງໜ້າເຝິກຝົນຫຼໍ່ຫຼອມຕົນເອງດ້ານຄຸນທາດການເມືອງ, ຄຸນສົມບັດສິນທຳປະຕິວັດ, ມີແບບແຜນວິທີເຮັດວຽກ ແລະ ແບບແຜນການດຳລົງຊີວິດທີ່ປອດໃສ, ຮັບປະກັນໃຫ້ກົມກອງມີຄວາມສະຫງົບ ແລະ ເຮັດສຳເລັດໜ້າທີ່ການເມືອງທີ່ໄດ້ຮັບມອບໝາຍ, ສຸມໃສ່ຂະບວນການກໍ່ສ້າງກອງປອດໃສ ປອດໄພ ປອດຄະດີ ຕິດພັນກັບ ການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ, ດຳເນີນວຽກງານສືບສວນ-ສອບສວນແກ້ໄຂຄະດີທີ່ພົວພັນເຖິງຄວາມສະຫງົບພາຍໃນກອງທັບ ໃຫ້ທັນເວລາ, ພາວະວິໄສ, ຖືກຕ້ອງຕາມກົດໝາຍ ແລະ ມີຄວາມຍຸຕິທຳ, ສະກັດກັ້ນ ແລະ ແກ້ໄຂປະກົດການຫຍໍ້ທໍ້ ທີ່ເປັນການລ່ວງລະເມີດລະບຽບກົດໝາຍ, ຝ່າຝືນແນວທາງແຜນນະໂຍບາຍຂອງພັກ, ກົດໝາຍຂອງລັດ, ກົດລະບຽບຂອງກອງທັບ, ປະຕິບັດສິດໜ້າທີ່ຕາມພາລະບົດບາດຂອງອົງການສືບສວນ-ສອບສວນກອງທັບ, ເຮັດໜ້າທີ່ປ້ອງກັນຄວາມປອດໄພ ໃຫ້ແກ່ການນຳພັກ-ລັດ, ການນຳກະຊວງປ້ອງກັນປະເທດ ແລະ ປ້ອງກັນກອງປະຊຸມພາຍໃນກອງທັບ, ກອງປະຊຸມລະດັບຊາດ ແລະ ລະດັບສາກົນ ພິເສດໄດ້ເຂົ້າຮ່ວມປ້ອງກັນບັນດາກອງປະຊຸມອາຊຽນ ປີ 2024. ນອກຈາກນີ້, ຍັງໄດ້ເຂົ້າຮ່ວມຂະບວນການກິລາ, ສິລະປະ-ວັນນະຄະດີ ທີ່ກົມໃຫຍ່ການເມືອງກອງທັບຈັດຂຶ້ນ, ສ່ວນຢູ່ພາຍໃນກົມ ໄດ້ຈັດຕັ້ງແຂ່ງຂັນກິລາບານສົ່ງ, ກະຕໍ້, ເປຕັງ ແລະ ສ້າງຂະບວນການອະນາໄມຂອບເຂດສຳນັກງານອົງການກົມກອງ ໃຫ້ສະອາດຈົບງາມສວຍງາມ.

news to day and hot news