POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 24 ມິຖຸນາ 2025

ຮັບປະກັນເຮັດໃຫ້ສະພາບ ທົ່ວແຂວງຫຼວງພະບາງ ມີຄວາມສະຫງົບ
ເວລາອອກຂ່າວ: 2025-05-21 09:03:14 | ຜູ້ຂຽນ : admin1 | ຈຳນວນຄົນເຂົ້າຊົມ: 1987 | ຄວາມນິຍົມ:

ສະຫາຍ ພັນເອກ ຄຳສອນ ໂພທິວັນ ຫົວໜ້າຫ້ອງເສນາທິການ ກອງບັນຊາການທະຫານ ແຂວງຫຼວງພະບາງ ໃຫ້ຮູ້ວ່າ: ໃນຊຸມປີຜ່ານມາ, ຄະນະພັກ-ຄະ ນະບັນຊາກອງບັນຊາການ ໄດ້ເອົາໃຈໃສ່ນຳພາ-ຊີ້ນຳ ຕັ້ງໜ້າເຄື່ອນໄຫວຈັດຕັ້ງປະຕິບັດໜ້າທີ່ວຽກງານ ຕາມທິດຊີ້ນຳຂອງຂັ້ນເທິງ ປິ່ນອ້ອມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ ໄດ້ມີຜົນສຳເລັດຫຼາຍດ້ານ ໂດຍສະເພາະ ໜ້າທີ່ເຮັດໃຫ້ສະພາບມີຄວາມສະຫງົບ ໄດ້ສຸມໃສ່ຫັນພະນັກງານລົງກໍ່ສ້າງຮາກຖານການເມືອງ ພັດທະນາຊົນນະບົດຮອບດ້ານ ຕາມ 4 ເນື້ອໃນ 4 ຄາດໝາຍ ຕິດພັນກັບ ວຽກງານ 3 ສ້າງຂອງພັກ, ສ້າງທ່າສະ ໜາມສົງຄາມປະຊາຊົນ, ສ້າງ ບ້ານປ້ອມໝັ້ນ-ກຸ່ມບ້ານສູ້ຮົບຕິດລຽນ, ປັບປຸງຕານ່າງປ້ອງກັນຊາດ, ກຳລັງກອງຫຼອນບ້ານ ຕາມຈຸດສຸມ, ເຄື່ອນໄຫວກຳແໜ້ນສະພາບການຕິດຕາມເປົ້າໝາຍສຳຄັນ ແນວຫຼັງຍຸດທະສາດລຽບຕາມຊາຍແດນ, ອັດປ່ອງຂ້າມລອຍຂອງກຳລັງອິດທິປໍລະປັກ, ສຶກສາອົບຮົມການເມືອງ-ແນວຄິດ ໃຫ້ປະຊາຊົນບັນດາເຜົ່າເຂົ້າໃຈຕໍ່ແນວທາງປ້ອງກັນຊາດ-ປ້ອງກັນຄວາມສະຫງົບປະກອບສ່ວນສຳຄັນເຂົ້າໃນວຽກງານດັ່ງກ່າວຢ່າງແຂງແຮງ, ສຸມໃສ່ຊີ້ນຳສ້າງຄອບຄົວປ້ອງກັນຊາດເຂັ້ມແຂງ, ບ້ານປ້ອງກັນ ຊາດເຂັ້ມແຂງໃນ 11 ເມືອງ 1 ນະຄອນ ຮັບປະກັນເຮັດໃຫ້ສະພາບມີຄວາມສະຫງົບໂດຍພື້ນຖານ. ສະຫາຍ ຫົວໜ້າຫ້ອງເສນາທິການ ຍັງໃຫ້ຮູ້ຕື່ມອີກວ່າ: ສຳລັບວຽກງານແກ້ໄຂໜໍ່ແໜງ ທີ່ຈະ ເຮັດໃຫ້ສະພາບບໍ່ມີຄວາມສະ ຫງົບ, ໄດ້ຊີ້ນຳແຕ່ລະກົມກອງອອກເຄື່ອນໄຫວຊອກຄົ້ນເປົ້າໝາຍກຸ່ມຄົນບໍ່ດີເຄື່ອນໄຫວກໍ່ຄວາມບໍ່ສະຫງົບ, ເຄື່ອນໄຫວຄ້າ ຂາຍຢາເສບຕິດ, ອາສະຍາກຳ ແລະ ກວດກາສະພາບການຕາມຂອບເຂດຮັບຜິດຊອບລຽບຕາມຊາຍແດນ, ຈັດຕັ້ງກຳລັງປ້ອງກັນເວນຍາມ ໃນຂອບເຂດຍຸດທະສາດ, ສຳນັກງານອົງການ, ໂຄງການ, ປ້ອງກັນເສັ້ນທາງ, ປ້ອງກັນເສັ້ນທາງລົດໄຟ ລາວ-ຈີນ ແລະ ປ້ອງກັນແຂກພາຍໃນ ແລະ ຕ່າງປະເທດ ທີ່ມາຢ້ຽມຢາມ ແລະ ທ່ອງທ່ຽວແຂວງຫຼວງພະບາງ ມີຄວາມປອດໄພ, ປ້ອງກັນວັນສຳຄັນຕ່າງໆ ຂອງຊາດ, ຂອງພັກ ແລະ ຂອງກອງທັບ, ປ້ອງກັນກອງປະຊຸມສຸດຍອດອາຊຽນ ແລະ ອາຊຽນ ບວກ ຄັ້ງທີ 44-45 ແລະ ບັນດາກອງປະຊຸມປິ່ນອ້ອມອື່ນໆ ທີ່ໄດ້ຈັດຂຶ້ນທີ່ແຂວງຫຼວງພະບາງ ຮັບປະກັນເຮັດໃຫ້ສະພາບມີຄວາມສະຫງົບປອດໄພ 100%. ວຽກງານອົບຮົມ-ຫັດແອບ ແລະ ປັບປຸງລະບຽບແບບແຜນ ໄດ້ສຳເລັດການອົບຮົມ-ຫັດແອບການເມືອງ-ການທະຫານ, ພະລາທິການ-ເຕັກນິກ, ການຫັດແອບຊ້ອມຮົບ ຍິງລູກປືນແທ້ຂອງແຕ່ລະກົມກອງ ປະຈຳປີ 2024, ຜ່ານມາທົ່ວທະຫານແຂວງ ແມ່ນສຳເລັດຕາມແຜນ ການ ຮັບປະກັນໄດ້ຄວາມປອດໄພ; ຊີ້ນຳພະແນກການທະຫານທ້ອງຖິ່ນ ສົມທົບກັບໂຮງຮຽນການທະຫານທ້ອງຖິ່ນ ສຸມໃສ່ປັບປຸງກຳລັງກອງຫຼອນ, ກຳລັງປ້ອງກັນຕົວ, ບຳລຸງສິດໜ້າທີ່ພາລະບົດບາດ, ອົບຮົມ-ຫັດແອບສິລະປະຍຸດ-ຍຸດທະວິທີ ໃຫ້ກອງຫຼອນເປັນປົກກະຕິ, ປະກອບອາ ວຸດໃຫ້ກຳລັງກອງຫຼອນ, ກຳລັງ ປ້ອງກັນຕົວລັດວິສາຫະກິດ ຕ່າງໆ ພ້ອມນັ້ນ, ຍັງໄດ້ອົບຮົມ ວຽກງານສຶກສາປ້ອງກັນຊາດ- ປ້ອງກັນຄວາມສະຫງົບ ໃຫ້ບັນ ດາໂຮງຮຽນມັດທະຍົມສົມບູນ ແລະ ສະຖາບັນການສຶກສາ ຕ່າງໆ ພ້ອມທັງສ້າງແຜນການອົບຮົມການນຳຂັ້ນຕ່າງໆ ແຕ່ລະເປົ້າໝາຍໃນແຕ່ລະປີ ແລະ ສຳເລັດການອົບຮົມ-ຫັດແອບສ້າງທ່າສະໜາມສູ້ຮົບປ້ອງກັນບໍລິເວນຈຸດຍຸດທະສາດສຳຄັນ, ປະກາດຮັບຮອງການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງຢູ່ບັນດາເມືອງ ຕາມທີດຊີ້ນຳຂອງຄະນະກຳມະການປ້ອງກັນຊາດ-ປ້ອງກັນຄວາມສະຫງົບສູນກາງ ກໍຄື ຂັ້ນແຂວງ. ສຳລັບແຜນການຄາດໝາຍສູ້ ຊົນໃນຕໍ່ໜ້າ ຄະນະພັກ-ຄະນະບັນຊາກອງບັນຊາການ ຈະໄດ້ສຶບຕໍ່ຊີ້ນຳ ຄະນະພັກ-ຄະນະບັນ ຊາແຕ່ລະຂັ້ນ ເອົາໃຈໃສ່ເປັນສຳ ຄັນຕໍ່ວຽກງານປັບປຸງກໍ່ສ້າງກຳລັງທາງດ້ານການເມືອງ-ນຳ ພາແນວຄິດ ໃຫ້ສອດຄ່ອງກັບຈຸດພິເສດ, ສະພາບຄວາມເປັນຈິງຂອງກົມກອງ ເພື່ອເຮັດໃຫ້ ພະນັກງານ-ນັກຮົບ ເຊື່ອມຊຶມແນວທາງຂອງພັກ, ປະຕິບັດກົດ ໝາຍຂອງລັດ, ມະຕິ, ຄຳສັ່ງ, ນິຕິກຳ, ຂໍ້ກຳນົດ, ກົດລະບຽບຂອງກອງທັບ ເຮັດໃຫ້ນາຍ ແລະ ພົນທະຫານ ມີທັດສະນະຫຼັກໝັ້ນຄຸນທາດການເມືອງໜັກແໜ້ນ, ມີນ້ຳໃຈເສຍສະຫຼະ, ສູ້ຮົບພິລະອາດຫານ, ມີຄວາມສັດຊື່ບໍລິສຸດຕໍ່ພັກ-ລັດ, ຕໍ່ປະເທດຊາດ ແລະ ປະຊາຊົນບັນດາເຜົ່າ ຕິດພັນ ກັບຂະບວນການແຂ່ງຂັນຮັກຊາດ ແລະ ພັດທະນາ ຍູ້ແຮງການສ້າງສາພັດທະນາທ້ອງຖິ່ນແຂວງຫຼວງພະບາງ ໃຫ້ຈະເລີນກ້າວໜ້າ.

news to day and hot news