ວັນອັງຄານ, ວັນທີ 24 ມິຖຸນາ 2025
ກອງພັນໃຫຍ່ 279 ມອບເງິນນະໂຍບາຍອຸດໜູນ
ເວລາອອກຂ່າວ: 2025-05-22 09:10:16 | ຜູ້ຂຽນ : admin1 | ຈຳນວນຄົນເຂົ້າຊົມ: 1660 | ຄວາມນິຍົມ: 
ໃນວັນທີ 13 ພຶດສະພາ 2025,ກອງພັນໃຫຍ່ 279 ໄດ້ມອບເງິນນະໂຍບາຍອຸດໜູນໃຫ້ນາຍທະ ຫານພັກການຮັບບຳນານ, ໂດຍການເປັນປະທານຂອງ ສະຫາຍ ພັນເອກ ເມກສະຫວັນ ແກ້ວດວງ ຫົວໜ້າການເມືອງ ກອງພັນໃຫຍ່ 279, ມີຄະນະພັກ-ຄະນະບັນຊາ ຂະແໜງການທີ່ກ່ຽວຂ້ອງ ພ້ອມດ້ວຍ ນາຍທະຫານຜູ້ທີ່ພັກການຮັບບຳນານ ເຂົ້າຮ່ວມ.
ສະຫາຍ ພັນໂທ ອຳໄພ ຄຳວິສອນ ຮອງຫົວໜ້າພະແນກ ການເມືອງ ກອງພັນໃຫຍ່ 279 ໄດ້ຜ່ານຂໍ້ຕົກລົງ ວ່າດ້ວຍການອະນຸມັດໃຫ້ນາຍທະຫານ ພັກການຮັບບຳນານ, ອີງຕາມກົດ ໝາຍ ວ່າດ້ວຍນາຍທະຫານກອງທັບະຊາຊົນລາວ, ອີງຕາມກົດ ໝາຍ ວ່າດ້ວຍປະກັນສັງຄົມ, ອີງຕາມຂໍ້ຕົກລົງ ວ່າດ້ວຍການປະ ຕິບັດເງິນນະໂຍບາຍອຸດໜູນ ແລະ ເງິນນະໂຍບາຍຕ່າງໆ, ອີງຕາມການຄົ້ນຄ້ວາ ແລະ ນຳສະເໜີ ຂອງກົມໃຫຍ່ການເມືອງກອງທັບ ກະຊວງປ້ອງກັນປະເທດຕົກລົງ ອະນຸມັດໃຫ້ ສະຫາຍ ພັນໂທ ອຸ່ນແສງ ແກ້ວຮຸ່ງຄະ ຫົວໜ້າພະແນກການເມືອງ ກອງພັນໃຫຍ່ 279 ພັກການຮັບເງິນນະໂຍບາຍອຸດໜູນບຳນານ ຈຳນວນ 32.430.000 ກີບ ແລະ ສະຫາຍ ພັນໂທ ສາຍສຳພັນ ໄຊຈຳພອນ ຫົວໜ້າການເມືອງ ກອງພັນ 794 ພັກການຮັບເງິນນະໂຍບາຍອຸດໜູນບຳນານ ຈຳນວນ 31.818.000 ກີບ.
ສະຫາຍ ພັນເອກ ເມກສະຫັວນ ແກ້ວດວງດີ ໄດ້ຮຽກຮ້ອງໃຫ້ນາຍະຫານທີ່ພັກການຮັບບຳ ນານ ສຶບຕໍ່ເຮັດໜ້າເປັນເຈົ້າການໃນການສຶກສາອົບຮົມະຊາຊົນ, ຮັກສາມູນເຊື້ອຄວາມສາມັກຄີຊ່ວຍເຫຼື່ອເຊິ່ງກັນ ແລະ ກັນ ເປັນແກ່ນສານໃຫ້ອົງການປົກຄອງທ້ອງຖີ່ນ, ເປັນຮົ່ມໂພຮົ່ມໄຊໃຫ້ລູກຫຼານ, ນຳເອົາເງິນຈຳນວນດັ່ງກ່າວນີ້ ໄປໜູນໃຊ້ໃນການສ້າງສາເສດຖະກິດຄອບຄົວໃຫ້ມີຊີວິດການເປັນຢູ່ທີ່ດີ.
ໂດຍ: ສາຄອນ ສຸລິເຍດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
