ວັນພະຫັດ, ວັນທີ 13 ພະຈິກ 2025
ກອງພັນໃຫຍ່ລູກສອນໄຟໜ້າດິນ 621 ສະຫຼຸບວຽກງານປ້ອງກັນພາຍໃນ
ເວລາອອກຂ່າວ: 2025-10-16 09:18:23 | ຜູ້ຂຽນ : admin1 | ຈຳນວນຄົນເຂົ້າຊົມ: 419 | ຄວາມນິຍົມ: 
ວັນທີ 25 ກັນຍາ 2025 ຜ່ານມານີ້, ກອງພັນໃຫຍ່ລູກສອນໄຟໜ້າດິນ 621 ໄດ້ເປີດກອງ ປະຊຸມສະຫຼຸບການຈັດຕັ້ງປະຕິບັດວຽກງານປ້ອງກັນພາຍໃນ 2021-2025 ແລະ ວາງທິດ ທາງແຜນການ 2025-2030 ໂດຍການເປັນປະທານຂອງ ສະຫາຍ ພັນເອກ ຈູມສີ ສີທະນົງ ເລຂາຄະນະພັກ, ຫົວໜ້າການ
ເມືອງກອງພັນໃຫຍ່ລູກສອນໄຟໜ້າດິນ 621, ມີຄະນະພັກ-ຄະນະບັນຊາ, ພະແນກການ ພ້ອມດ້ວຍພະນັກງານຫຼັກແຫຼ່ງເຂົ້າຮ່ວມ.
ສະຫາຍ ພັນໂທ ພິກ ແກ້ວຄຳຜຸຍ ຮອງຫົວໜ້າພະແນກການເມືອງ ກອງພັນໃຫຍ່ລູກສອນໄຟໜ້າດິນ 621 ໄດ້ຂຶ້ນຜ່ານບົດສະຫຼຸບຕີລາຄາການຈັດຕັ້ງປະຕິບັດວຽກງານປ້ອງກັນພາຍໃນ ໃນໄລຍະ 5 ປີ ຜ່ານມາ 2021-2025, ຄະນະພັກ-ຄະນະບັນຊາໄດ້ເອົາໃຈໃສ່ ນຳພາ-ຊີ້ນຳກົມກອງມີຄວາມສະຫງົບໂດຍພື້ນຖານ, ພະນັກງານ-ນັກຮົບມີແນວຄິດການເມືອງໜັກແໜ້ນ, ມີຄວາມອຸ່ນອຽນທຸ່ນທ່ຽງ, ມີຄວາມຊື່ສັດບໍລິສຸດ, ມີຄວາມຈົງຮັກພັກດີຕໍ່ພັກ-ລັດ, ມີສະຕິລະວັງຕົວກຽມພ້ອມສູ້ຮົບ ແລະ ປະຕິບັດຄຳສັ່ງ, ຂໍ້ກຳນົດ, ກົດລະບຽບຂອງກອງທັບ, ກົດໝາຍຂອງລັດວາງອອກຢ່າງເຂັ້ມງວດ, ໃນໄລຍະ 5 ປີ ຜ່ານມາ ກອງພັນໃຫຍ່ລູກສອນໄຟໜ້າດິນ 621 ສາມາດຕີລາ ຄາແບ່ງປະເພດປອດໃສ ດ້ານ ການເມືອງປະເພດ I ເທົ່າກັບ 95,36%, ປະເພດ II ເທົ່າກັບ
4,64 %, ກໍ່ສ້າງກົມກອງ 3 ປອດໃສ ປອດໄພ ປອດຄະດີປະເພດ I ມີ 9 ກົມກອງເທົ່າກັບ 97,97%.
ກອງປະຊຸມ ຍັງໄດ້ຮັບຮອງເອົາທິດທາງແຜນການ, ຄາດໝາຍສູ້ຊົນວຽກງານປ້ອງກັນພາຍໃນປີ 2025-2030 ໄປຈັດຕັ້ງປະຕິ ບັດໃຫ້ໄດ້ຮັບຜົນສູງ, ຫຼັງຈາກນັ້ນ, ສະຫາຍ ພັນໂທ ຄຳປານ ອາລູນທອງ ຄະນະພັກ, ຮອງຫົວ
ໜ້າພະແນກພະລາທິການ ກອງພັນໃຫຍ່ລູກສອນໄຟໜ້າດິນ 621 ໄດ້ຜ່ານເນື້ອໃນຂໍ້ແຂ່ງຂັນສ້າງ ກອງປອດໃສ ປອດໄພ ປອດຄະດີ ປະຈຳປີ 2025-2030.
ໂດຍ: ວາດສະໜາ ພຸດທະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
