ວັນພະຫັດ, ວັນທີ 11 ທັນວາ 2025
ຫ້ອງການເມືອງ ທະຫານແຂວງໄຊຍະບູລີ ຫັດແອບຍິງເປົ້າໝາຍດ້ວຍລູກປືນແທ້ ປະຈຳປີ 2025
ເວລາອອກຂ່າວ: 2025-11-13 09:00:01 | ຜູ້ຂຽນ : admin1 | ຈຳນວນຄົນເຂົ້າຊົມ: 604 | ຄວາມນິຍົມ: 
ໃນວັນທີ 8 ພະຈິກ 2025 ນີ້, ຫ້ອງການເມືອງ ກອງບັນຊາການທະຫານແຂວງໄຊຍະບູລີ ໄດ້ຈັດຕັ້ງຫັດແອບຍິງເປົ້າໝາຍດ້ວຍລູກປືນແທ້ ປະຈຳປີ 2025, ໂດຍການເປັນປະທານຂອງ ສະຫາຍ ພັນໂທ ສີປະເສີດ ສອນພັນ ຮັກສາການຫົວໜ້າຫ້ອງການເມືອງ ກອງບັນຊາການທະຫານແຂວງໄຊຍະບູລີ, ມີຄະນະພັກ-ຄະນະບັນຊາ, ພະແນກການທີ່ກ່ຽວຂ້ອງ ຕະຫຼອດຮອດ ພະນັກງານ-ນັກ ຮົບ ເຂົ້າຮ່ວມ.
ໂດຍປະຕິບັດຕາມແຜນການອົບຮົມ-ຫັດແອບປັບປຸງລະບຽບແບບແຜນເຝິກຝົນກຳລັງແຮງກາຍຂອງພະນັກງານ-ນັກຮົບ ປະຈຳປີ 2025 ເພື່ອເປັນການຍົກລະດັບຄວາມຮູ້ຄວາມສາມາດທາງດ້ານສິລະປະຍຸດ-ຍຸດທະວິທີ ໃຫ້ມີຄວາມຄ່ອງແຄ້ວຊຳນິຊຳນານໃນການນຳໃຊ້ອາວຸດຍຸດໂທປະກອນ ເພື່ອນຳໄປຈັດຕັ້ງປະຕິບັດໃນໜ້າທີ່ວຽກງານຕົວຈິງຢູ່ກົມກອງຂອງຕົນ ໃຫ້ມີຄຸນນະພາບ ແລະ ມີປະສິດທິຜົນສູງ. ການອົບຮົມ-ຫັດແອບຍິງເປົ້າໝາຍດ້ວຍລູກປືນແທ້ໃນຄັ້ງນີ້, ນອກຈາກເປັນການຍົກລະດັບຄວາມຮູ້ຄວາມສາມາດດ້ານສິລະປະຍຸດ-ຍຸດທະວິທີຂອງພະນັກງານ-ນັກຮົບ ຢູ່ພາຍໃນຫ້ອງການເມືອງ ກອງບັນຊາການທະຫານແຂວງໄຊຍະບູລີໃຫ້ມີພິກໄຫວຄ່ອງແຄ້ວແລ້ວ, ຍັງເປັນການສ້າງກົມກອງໃຫ້ມີລະບຽບວິໄນທີ່ເຂັ້ມງວດ ແລະ ປັບປຸງກົມກອງໃຫ້ກາຍເປັນກົມກອງປອດໃສ ເຂັ້ມແຂງ ໜັກແໜ້ນ, ເຝິກຝົນໃຫ້ພະນັກງານ-ນັກຮົບມີສຸຂະພາບແຂງແຮງ, ເຂັ້ມແຂງ ກຽມພ້ອມຮັບໃຊ້ໜ້າທີ່ວຽກງານກຽມພ້ອມສູ້ຮົບ ແລະ ສູ້ຮົບໃນທຸກເງື່ອນໄຂ; ຜ່ານການຈັດຕັ້ງປະຕິບັດຕົວຈິງ ເຫັນໄດ້ວ່າຄະນະພັກ-ຄະນະບັນຊາ, ພະນັກງານ-ນັກຮົບ ແມ່ນກຳ ແໜ້ນບົດຮຽນ ແລະ ຮູ້ໝູນໃຊ້ທິດສະດີ, ຫຼັກການເຂົ້າໃນການການປະຕິບັດຕົວຈິງ ສາມາດບັນລຸໄດ້ ຂັ້ນເກັ່ງ 1 ສະຫາຍ ເທົ່າກັບ 1,51%, ຂັ້ນດີ 5 ສະຫາຍ ເທົ່າກັບ 7,57% ແລະ ຄາດໝາຍ 60 ສະຫາຍ ເທົ່າກັບ 90,90%; ພ້ອມທັງຮັບປະກັນໄດ້ຄວາມເປັນລະບຽບຮຽບຮ້ອຍ ແລະ ຮັກສາໄດ້ຄວາມປອດໄພ 100%.
ໂດຍ: ໄຊຍະສັກ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
