POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ທະຫານ ແລະ ປະຊາຊົນແຂວງຫຼວງພະບາງ ປະກອບສ່ວນເຂົ້າໃນ ບັ້ນຮົບ ດຽນບຽນຝູ
ເວລາອອກຂ່າວ: 2024-04-29 09:00:34 | ຜູ້ຂຽນ : admin3 | ຈຳນວນຄົນເຂົ້າຊົມ: 2880 | ຄວາມນິຍົມ:

(ຕໍ່ຈາກສະບັບກ່ອນ) ທັນທີທີ່ຮູ້ວ່າກຳລັງຂອງ 308 ເຄື່ອນເຂົ້າໄປລາວ, 6 ກອງພັນທະຫານເອີຣົບ ແລະ ອາຟຣິກກາ ຫຼື ທະຫານຮັບຈ້າງຝຣັ່ງ ໄດ້ຖອນກຳລັງໄປຕາມທະຫານຫຸ່ນຂອງຫວຽດນາມ ທັງກາງເວັນ ແລະ ກາງຄືນແບບ ກະແຈກກະຈາຍ. ທະຫານ 308 ແຂງແຮງ, ຊຳນານໃນການສູ້ ຮົບ, ຜູ້ບັນຊາການກໍມີປະສົບການໃນການຕໍ່ສູ້ກັບສັດຕູ ໃນເວລານັ້ນ, ໜັງສືພິມຂອງຝຣັ່ງ ໄດ້ຖະແຫຼງໃຫ້ຮູ້ວ່າ: ເປັນການແລ່ນມາລາທອນທີ່ກອງທັບຝຣັ່ງສາມາດແລ່ນໄດ້ໄວທີ່ສຸດ, ຂະນະດຽວກັນທະຫານຝ່າຍເຮົາ ທັງໄລ່ຕາມສັດຕູ, ທັງຮັກສາສຸຂະພາບ ເພື່ອທີ່ຈະກັບໄປຮ່ວມໂຈມຕີພວກສັດຕູຢູ່ ດຽນບຽນຝູ. ໃນແຕ່ລະມື້, ຕອນກາງເວັນ ທະຫານຂອງຝ່າຍເຮົາ ແມ່ນພັກຜ່ອນຫຼົບຫຼີກຍົນ ສ່ວນກາງຄືນກໍອອກຕິດຕາມສັດຕູ, ປະຊາຊົນລາວໃນໝູ່ບ້ານໄດ້ນຳເຂົ້າໜຽວ, ຊີ້ນໝູ, ໄກ່ໄປເຕົ້າໂຮມຢູ່ບັນດາເສັ້ນທາງທີ່ພວກເຮົາຈະຜ່ານ, ບາງຄັ້ງກໍນຳເອົາມາໃຫ້ເຖິງບ່ອນທີ່ພວກເຮົາພັກຢູ່, ປະຊາຊົນແຂວງຫຼວງພະບາງ, ແຂວງຜົ້ງສາລີ ໄດ້ສະ ໜອງເຂົ້າໃຫ້ແກ່ທະຫານພວກເຮົາປະມານ 200 ໂຕນ, ຊີ້ນສັດ 20 ໂຕນ ແລະ ຍັງມີພືດຜັກນານາຊະນິດອີກຈຳນວນຫຼາຍ. ຕໍ່ມາກອງກຳລັງຫຼວງ 308 ໄດ້ສົມທົບກັບກອງຮ້ອຍຈຳປາສັກ ຂອງກະຊວງປ້ອງກັນປະ ເທດລາວ ແລະ ປະຊາຊົນແຂວງຫຼວງພະບາງ ສາມາດດັບສູນສັດຕູ, ຈັບເປັນສະເລີຍເສິກ ແລະ ຍຶດພື້ນທີ່ ທີ່ສັດຕູອາໄສຢູ່ໄດ້ຍາວເຖິງ 300 ກິໂລແມັດ ເລີ່ມແຕ່ຕົ້ນປາກແມ່ນ້ຳອູ ແຂວງຜົ້ງສາລີ ລຽບມາຈົນເຖິງທ້າຍແມ່ນ້ຳອູ ເຊິ່ງລວມມີ 9 ກອງຮ້ອຍ, ສາມາດແຍກກຸ່ມທີ່ໝັ້ນ ດຽນບຽນຝູ ໄດ້ຢ່າງສົມບູນ. ໃນເວລານີ້, ໜັງສືພິມຝ່າຍຕາເວັນຕົກ ໄດ້ຖະແຫຼງຂ່າວ ວ່າ: ກຸ່ມທີ່ໝັ້ນ ດຽນບຽນຝູ ປັດ ຈຸບັນຄືກັບໝວກປິ້ນຫົວ, ກອງທັບຝຣັ່ງຢູ່ພາຍໃນ ທີ່ຖືກກອງທັບຫວຽດນາມອ້ອມຢູ່ນອກ. ສະຫາຍ ຮົ່ງເຊີນ ຫົວໜ້າກອງພັນໃຫຍ່ E 88 ກ່າວຕໍ່ສະຫາຍ ຄຳມູນຕີ ພ້ອມທັງຍິ້ມຢ່າງມີຄວາມສຸກວ່າ: ທະຫານຂອງພວກເຮົາ ຍັງໜຸ່ມນ້ອຍ ເພາະສະນັ້ນ ຈຶ່ງໄດ້ນັ່ງເຮືອຂ້າມແມ່ນ້ຳຂອງ ພົບປະ ປະຊາຊົນ ໃນເມືອງຫຼວງຂອງດິນແດນລ້ານຊ້າງທີ່ສວຍສົດງົດງາມ. ເວລາຕໍ່ມາ ຂ້າພະເຈົ້າກໍໄດ້ ພົບປະກັບ ສະຫາຍ ມະຫາສົມບູນ, ມະຫາຄຳພັນ, ຈ່າເລີນ ເຊິ່ງພວກເພິ່ນໄດ້ຢືນຄຽງຂ້າງ ອ້າຍນ້ອງຊາວຫວຽດນາມຫຼາຍຄົນ ໃນຊຸມປີແຫ່ງການຕໍ່ສູ້ຢ່າງດຸເດືອດ ຢູ່ນ້ຳບາກ ແລະ ຫຼວງນ້ຳທາ, ຜ່ານ ຜ່າການທ້າທາຍທັງຊີວິດ ແລະ ຄວາມຕາຍ, ບໍ່ມີເຄື່ອງໃຊ້, ເສື້ອ ຜ້າຈີກຂາດ, ໃນຂະນະທີ່ຝຣັ່ງ ກໍໄດ້ຂຽນໜັງສືແຈກຢາຍຕາມ ຖະໜົນຫົນທາງ ໂດຍມີເນື້ອໃນ ເພື່ອແນໃສ່ແບ່ງແຍກຄວາມສາ ມັກຄີລະຫວ່າງ ລາວ-ຫວຽດ ນາມ, ແຕ່ຄວາມສາມັກຄີມິດຕະ ພາບສາກົນ ລະຫວ່າງ ລາວ-ຫວຽດນາມ ນັ້ນກໍຍັງຄົງໝັ້ນຄົງຂະໜົງແກ່ນ ແລະ ພັດທະນາຂຶ້ນເລື້ອຍໆ. ເວລາກໍມີໜ້ອຍ, ພວກເຮົາ ແນມໜ້າກັນດ້ວຍຄວາມຕື້ນຕັນໃຈ, ໃນເວລານັ້ນ ກອງທັບຝຣັ່ງໄດ້ເຂົ້າຍຶດເອົາຜົ້ງສາລີ, ຫຼວງນ້ຳທາ, ເມືອງສິງ, ສ້າງຕັ້ງລະ ບົບທະຫານຫຸ່ນ ແລະ ໂຈນປຸ້ນທີ່ອັນຕະລາຍທີ່ສຸດ, ບັນດາສະຫາຍລາວ ເວົ້າວ່າ: “ພວກເຮົາຄົງຈະໄປຍຶດເມືອງງອຍ ແລະ ຜົ້ງສາລີ, ແຕ່ພວກເຮົາຍັງລໍຖ້າຄຳສັ່ງຂອງຄະນະບໍລິຫານງານ ແນວລາວຮັກຊາດ ບໍ່ຮູ້ວ່າຈະໄດ້ພົບກັນອີກເມື່ອໃດ”. ພາຍຫຼັງບັ້ນຮົບດຽນບຽນຝູ ສະຫາຍ ຄຳມຸນຕີ ກໍໄດ້ເຖິງແກ່ມໍລະນະກຳໃນອ້ອມແຂນ ແລະ ຄວາມໂສກເສົ້າເສຍໃຈຂອງ ບັນດາທ່ານໝໍ, ສະມາຊິກຊາວໜຸ່ມ ແລະ ປະຊາຊົນເມືອງງອຍ. ແຕ່ສິ່ງທີ່ຂ້າພະເຈົ້າຈື່ບໍ່ລືມໃນສະ ໄໝຕໍ່ສູ້ມານຳກັນ, ສະຫາຍ ຄຳມູນຕີ ແລະ ເຈົ້າໜ້າທີ່ລະດັບສູງຂອງພັກປະຊາຊົນລາວ ຫຼາຍຄົນມັກເວົ້າວ່າ: ສາຍພົວພັນມິດ ຕະພາບ ລາວ-ຫວຽດນາມ ແມ່ນພິເສດທີ່ສຸດ. ແປໂດຍ: ນາງ ວິໄລພອນ ສອນມະນີລາ

news to day and hot news