POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

41 ປີ ແຫ່ງການເຕີບໃຫຍ່ຂະຫຍາຍຕົວ ຂອງກອງພັນໃຫຍ່ປ້ອງກັນອາກາດ 641
ເວລາອອກຂ່າວ: 2024-06-26 09:17:53 | ຜູ້ຂຽນ : admin1 | ຈຳນວນຄົນເຂົ້າຊົມ: 1833 | ຄວາມນິຍົມ:

ກ່ອນໜ້ານີ້ 41 ປີ ເພື່ອຕອບສະໜອງຕາມຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່ ຂອງການປະຕິວັດ ກໍຄື ການປັບປຸງກໍ່ສ້າງກອງທັບ ໃຫ້ເຕີບໃຫຍ່ເຂັ້ມແຂງນັ້ນ, ກອງ ພັນໃຫຍ່ປ້ອງກັນອາກາດ 641 ເຊິ່ງເປັນກອງພັນທຳອິດ ຂອງເຫຼົ່າຮົບປ້ອງກັນອາກາດ ໄດ້ຮັບການປະກາດສ້າງຕັ້ງຂຶ້ນຢ່າງ ເປັນທາງການ ຕາມການຕົກລົງ ຂອງກະຊວງປ້ອງກັນປະເທດ ລົງວັນທີ 24 ມິຖຸນາ 1983, ຢູ່ບ້ານຊຳເກດ ເມືອງສີໂຄດຕະ ບອງ ນະຄອນຫຼວງວຽງຈັນ, ປະກາດສ້າງຕັ້ງໂດຍ ສະຫາຍ ພົນຈັດຕະວາ ຈັນກໍ ພິມມະສອນ ອະດີດຮອງຫົວໜ້າກົມໃຫຍ່ການ ເມືອງກອງທັບ, ກອງພັນໃຫຍ່ປ້ອງກັນອາກາດ 641 ສືບທອດ ພາລະກິດ ແລະ ມູນເຊື້ອການຕໍ່ ສູ້ຂອງກອງພັນ 601 ວີລະຊົນ, ກອງພັນ 602 ແລະ ກອງພັນ 456, ເຊິ່ງເປັນກົມກອງທີ່ມີຜົນ ງານອັນໃຫຍ່ຫຼວງ ໃນພາລະກິດປົດປ່ອຍຊາດໃນເມື່ອກ່ອນ ກໍຄື ການປົກປັກຮັກສາ ແລະ ສ້າງສາປະເທດຊາດ ໃນປັດຈຸບັນ. ໂຄງປະກອບການຈັດຕັ້ງກອງພັນ ໃຫຍ່ປ້ອງກັນອາກາດ 641 ໃນເບື້ອງຕົ້ນ ປະກອບມີ 4 ພະແນກ, 3 ກອງພັນ ແລະ 1 ກອງ ຮ້ອຍຂຶ້ນກັບ, ການສ້າງຕັ້ງກອງ ພັນໃຫຍ່ປ້ອງກັນອາກາດ 641 ເປັນເຫດການການເມືອງທີ່ສຳ ຄັນໃນປະຫວັດສາດ ແລະ ມີຄວາມໝາຍສຳຄັນ ທີ່ສະແດງໃຫ້ເຫັນເຖິງການເຕີບໃຫຍ່ຂະ ຫຍາຍຕົວ ຂອງກອງທັບປະຊາ ຊົນລາວ ກໍຄື ຂອງເຫຼົ່າຮົບປ້ອງກັນອາກາດ, ນັບແຕ່ມື້ໄດ້ຮັບການສ້າງຕັ້ງຂຶ້ນ ຄະນະພັກ-ຄະ ນະບັນຊາ ຕະຫຼອດຮອດພະນັກ ງານ-ນັກຮົບ ທົ່ວກອງພັນໃຫຍ່ປ້ອງກັນອາກາດ ແຕ່ລະຮຸ່ນ ໄດ້ສຸມໃສ່ກໍ່ສ້າງກຳລັງໃຫ້ໜັກແໜ້ນເຂັ້ມແຂງ, ປັບປຸງພັດທະນາກົມກອງໃນທຸກດ້ານ ແລະ ຕັ້ງໜ້າເສີມຂະຫຍາຍມູນເຊື້ອຈິດໃຈຮັກຊາດຢ່າງເລິກເຊິ່ງ ເຮັດໃຫ້ກົມກອງມີຄວາມເຕີບໃຫຍ່ເຂັ້ມແຂງ, ໜັກແໜ້ນຮອບດ້ານ ມາຮອດປັດ ຈຸບັນ, ກອງພັນໃຫຍ່ປ້ອງກັນອາກາດ 641 ປະກອບມີ 5 ພະ ແນກ, 3 ກອງພັນນ້ອຍ, 2 ກອງ ຮ້ອຍຂຶ້ນກັບ ແລະ ປະກອບຈຳ ນວນພົນ ຕາມຫຼັກການຈັດຕັ້ງປະ ກອບຄົບຖ້ວນ. ຕະຫຼອດ 41 ປີຜ່ານມາ, ຄະ ນະພັກ-ຄະນະບັນຊາແຕ່ລະຮຸ່ນ ໄດ້ເອົາໃຈໃສ່ສຶກສາອົບຮົມການ ເມືອງແນວຄິດ ໃຫ້ແກ່ພະນັກ ງານ-ນັກຮົບ ເປັນສຳຄັນ, ກຳແໜ້ນແນວທາງນະໂຍບາຍຂອງພັກ-ລັດ ໃນແຕ່ລະໄລຍະ, ຮັບຮູ້ເຊື່ອມຊຶມ ຕໍ່ໜ້າທີ່ການເມືອງຂອງກອງທັບ ກໍຄື ຂອງກົມກອງ, ຕັ້ງໜ້າເຝິກແອບສິລະປະຍຸດ-ຍຸດທະວິທີ, ຍົກລະດັບຄວາມຮູ້ຄວາມສາມາດ ດ້ານການທະ ຫານ ໃຫ້ແກ່ພະນັກງານ-ນັກຮົບນັບມື້ສູງຂຶ້ນ, ມາຮອດປັດຈຸບັນ ພະນັກງານ-ນັກຮົບ ທົ່ວກອງພັນໃຫຍ່ ສ່ວນຫຼາຍແມ່ນໄດ້ຮັບການກໍ່ສ້າງຢູ່ກົມກອງ ແລະ ໄດ້ຮັບການຍົກລະດັບຢູ່ບັນດາໂຮງ ຮຽນ, ວິທະຍາຄານ ທັງພາຍໃນ ແລະ ຕ່າງປະເທດ. ນອກຈາກ ການກໍ່ສ້າງຖັນແຖວພະນັກງານ-ນັກຮົບແລ້ວ, ຍັງໄດ້ແຂ່ງຂັນກັນກໍ່ສ້າງກົມກອງ ໃຫ້ກາຍເປັນກົມກອງຕົວແບບ ໂດຍຕິດພັນກັບ ການກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ, ໃນປັດຈຸບັນ ກອງພັນໃຫຍ່ປ້ອງກັນອາກາດ 641 ປະກອບມີ 1 ອົງຄະນະພັກ, 5 ຄະນະພັກຮາກຖານ, 5 ໜ່ວຍພັກຮາກຖານ, ມີ 20 ໜ່ວຍພັກ ຂຶ້ນກັບ ຄະນະພັກຮາກຖານ, ມີໜ່ວຍພັກປອດໃສ ເຂັ້ມແຂງ ໜັກແໜ້ນ 23 ໜ່ວຍ, ໜ່ວຍພັກກາງ 2 ໜ່ວຍ, ສະມາຊິກພັກແຂງ 584 ສະຫາຍ, ສະມາຊິກພັກກາງ 35 ສະຫາຍ. ຕະຫຼອດໄລຜ່ານມາ ກອງພັນໃຫຍ່ປ້ອງກັນອາກາດ 641 ໄດ້ເອົາໃຈໃສ່ປັບປຸງກໍ່ສ້າງກຳລັງ ໃຫ້ມີຄວາມເຂັ້ມແຂງໜັກແໜ້ນ ແລະ ເປັນເຈົ້າການປະຕິບັດໜ້າທີ່ການເມືອງຂອງກົມກອງ ໃນການປ້ອງກັນນ່ານຟ້າ ຂອບເຂດນະຄອນຫຼວງວຽງຈັນ ເປັນຈຸດໜັກ, ພິເສດແມ່ນປ້ອງກັນບັນດາກອງປະຊຸມຕ່າງໆ ຄື: ປ້ອງກັນຜູ້ແທນຕ່າງປະເທດ ມາຢ້ຽມຢາມເຮັດວຽກຢູ່ ສປປ ລາວ, ປ້ອງກັນກອງປະຊຸມສຸດຍອດ ອາຊຽນ ຄັ້ງທີ 28-29 ທີ່ລາວເຮົາໄດ້ຮັບກຽດເປັນເຈົ້າພາບ, ອອກເຄື່ອນທັບຊ້ອມຮົບອິນຊີແດງ 5 ແລະ 6 ທີ່ແຂວງຫົວພັນ ແລະ ແຂວງຊຽງຂວາງ, ໄດ້ເຂົ້າຮ່ວມກ້ອນສວນສະໜາມ ສະເຫຼີມສະຫຼອງວັນຊາດທີ 2 ທັນວາ ຄົບຮອບ 40 ປີ, ເຂົ້າຮ່ວມສວນສະໜາມ ກ້ອນພາຫະນະ-ອາວຸດ ໃນງານສະເຫຼີມສະຫຼອງວັນສ້າງຕັ້ງກອງ ທັບ ຄົບຮອບ 70 ປີ, ຊ້ອມຮົບຍິງລູກປືນແທ້ (ປືນ 23 ມມ ແລະ 37 ມມ), ຊ້ອມຮົບປະສານເຫຼົ່າເພື່ອຂໍ່ານັບຮັບຕ້ອນ ວັນສ້າງຕັ້ງກອງທັບ ຄົບຮອບ 73 ປີ, ອອກ ເຄື່ອນທັບຍິງທົດສອບສະມັດຖະ ພາບລູກສອນໄຟ ຢີທຽນ ແລະ ລູກສອນໄຟ ເປໂຈຣາ ຢູ່ແຂວງຊຽງຂວາງ, ເຂົ້າຮ່ວມຊ້ອມຮົບປະສານເຫຼົ່າຍິງລູກປືນແທ້ (ປືນປ້ອງກັນອາກາດ ຊູ 23 ມມ, ອີກາລາ A-87) ແລະ ຢີທຽນ ສະເຫຼີມສະຫຼອງວັນສ້າງຕັ້ງກອງ ທັບ ຄົບຮອບ 73 ປີ, ເຂົ້າຮ່ວມອົບຮົມ ແລະ ຍິງທົດສອບສະມັດ ຖະພາບລູກສອນໄຟ ເປໂຈຣາ C-125 2 TM ນຳຊ່ຽວຊານ ເບຣາຣຸດ ແລະ ອື່ນໆ, ພະນັກງານ-ນັກຮົບ ຍັງໄດ້ເສີມຂະຫຍາຍມູນເຊື້ອເພິ່ງຕົນເອງ, ກຸ່ມຕົນເອງ ແລະ ສ້າງຄວາມເຂັ້ມແຂງດ້ວຍ ຕົນເອງ, ອອກແຮງສ້າງພະລາ ທິການກັບທີ່ ແລະ ເອົາໃຈໃສ່ປັບ ປຸງກໍ່ສ້າງຄ້າຍຄູ ຫັນເຂົ້າສູ່ລະບົບແໜ້ນໜາຖາວອນເທື່ອລະກ້າວ ໃນນີ້, ໄດ້ສ້າງປະຕູໂຂງ, ປ້ອມຍາມ, ໂຮງຊອຍໄມ້, ຫໍຂ່າວ, ປ້າຍປາໂນ, ເຮືອນຄົວລວມໂສດ, ສາງລູກສອນໄຟ ຢີທຽນ, ໂຮງ ງານນ້ຳດື່ມ, ໂຄງການກໍ່ສ້າງລະ ບົບກັນຟ້າຜ່າແບບຄວບຄຸ້ມພື້ນທີ່ ແລະ ອື່ນໆ ໂດຍໃຊ້ທຶນຮອນຂອງກົມກອງໃນການກໍ່ສ້າງ ເປັນ ມູນຄ່າ 80 ລ້ານກວ່າກີບ, ກະ ຊວງປ້ອງກັນປະເທດສະໜອງ ທຶນໃຫ້ 677 ລ້ານກວ່າກີບ, ລັດຖະບານສະໜອງໃຫ້ 1.989.087.000 ກີບ. ຈາກຜົນງານ ແລະ ໄຊຊະນະດັ່ງກ່າວ ບຸກຄົນ ແລະ ກົມກອງລວມໝູ່ ທົ່ວກອງພັນໃຫຍ່ປ້ອງກັນອາກາດ 641 ໄດ້ຮັບຫຼຽນໄຊ, ຫຼຽນກາ ແລະ ໃບຍ້ອງຍໍປະເພດຕ່າງໆ ຈາກລັດຖະບານ ແລະ ກະຊວງປ້ອງກັນປະເທດ ຄື: ປະເພດຫຼຽນໄຊນາມມະຍົດ ກົມກອງວີລະຊົນແຫ່ງຊາດ 3 ໜ່ວຍ, ຫຼຽນໄຊອິດສະຫຼະຊັ້ນ II, ຊັ້ນ III ມີ 47 ໜ່ວຍ, ຫຼຽນໄຊພິລະອາດຫານຊັ້ນ I, ຊັ້ນ II, ຊັ້ນ III ມີ 745 ໜ່ວຍ, ຫຼຽນໄຊແຮງງານຊັ້ນ II, ຊັ້ນ III ມີ 364 ໜ່ວຍ, ຫຼຽນກາແຮງງານ 402 ໜ່ວຍ, ຫຼຽນກາລະນຶກ 50 ປີ, 60 ປີ, 65 ປີ, 70 ປີ ແລະ 75 ປີ 1.080 ໜ່ວຍ, ຫຼຽນກຽດຕິຄຸນ 40 ໜ່ວຍ ແລະ ໃບຍ້ອງຍໍປະເພດຕ່າງໆ 65.846 ໃບ. ໃນໄລຍະການປົດ ປ່ອຍປະເທດຊາດ ມີກອງພັນ 601, ກອງຮ້ອຍ 4 ທີ່ຂຶ້ນກັບ ກອງພັນ 601 ແລະ ກອງຮ້ອຍ 27 ທີ່ຂຶ້ນກັບ ກອງພັນ 456 ໄດ້ຮັບນາມມະຍົດ ເປັນກົມກອງວິລະຊົນ, ໃນທົ່ວກອງພັນໃຫຍ່ ມີນັກຮົບວີລະຊົນແຫ່ງຊາດ 6 ສະຫາຍ ແລະ ນັກຮົບແຂ່ງຂັນແຫ່ງຊາດ 14 ສະຫາຍ. ໂດຍ: ກອງເພັດ

news to day and hot news