POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ປະທານ ສຸພານຸວົງ ຍືນຍົງໃນພາລະກິດປະຕິວັດ ແລະ ດວງໃຈຂອງປະຊາຊົນລາວຕະຫຼອດໄປ
ເວລາອອກຂ່າວ: 2024-07-18 09:06:47 | ຜູ້ຂຽນ : admin1 | ຈຳນວນຄົນເຂົ້າຊົມ: 1597 | ຄວາມນິຍົມ:

ເນື່ອງໃນໂອກາດລະນຶກວັນຄ້າຍວັນເກີດຂອງ ປະທານ ສຸພານຸວົງ ອະດີດກຳມະການກົມການເມືອງສູນກາງພັກ, ອະ ດີດປະທານປະເທດ, ອະດີດປະ ທານສະພາປະຊາຊົນສູງສຸດ, ອະ ດີດປະທານສູນກາງແນວລາວ ສ້າງຊາດ, ຜູ້ນຳທີ່ຍິ່ງໃຫຍ່ ແລະ ເຄົາລົບຮັກຂອງພວກເຮົາທີ່ໄດ້ວຽນມາບັນຈົບຄົບຮອບ 115 ປີ, ປະທານ ສຸພານຸວົງ ເກີດເມື່ອວັນທີ 13 ກໍລະກົດ 1909 ທີ່ນະຄອນຫຼວງພະບາງ ໃນຄອບ ຄົວເຊື້ອເຈົ້າຂອງລາຊະວົງລ້ານຊ້າງ, ເປັນໂອລົດອົງສຸດທ້າຍຂອງເຈົ້າມະຫາອຸປະຮາດບຸນຄົງ ແລະ ໝ່ອມຍິງຄຳອ້ວນ. ຊີວິດ ແລະ ພາລະກິດຂອງປະທານ ສຸພານຸວົງ ແມ່ນຊີວິດ ແລະ ການເຄື່ອນໄຫວທີ່ສູງສົ່ງ, ຈົບງາມໃນທຸກໆພາວະ, ຍາມໃດເພິ່ນກໍເປັນແບບຢ່າງທີ່ດີເລີດ ດ້ານຄຸນທາດປະຕິວັດ ອັນທີ່ພົ້ນເດັ່ນແມ່ນ: ນ້ຳໃຈຮັດຊາດອັນດູດ ດື່ມ, ນ້ຳໃຈຮັກປະຊາຊົນບັນດາ ເຜົ່າ, ຄວາມສັດຊື່ບໍລິສຸດທີ່ໃສແຈ້ງ; ປະທານ ສຸພານຸວົງ ແມ່ນຜູ້ນຳທີ່ເປັນແບບຢ່າງກ່ຽວກັບນ້ຳໃຈອົດທົນ, ແຂງແກ່ນ, ໝັ້ນໜຽວ, ເດັດຂາດ; ມີຄວາມດຸໝັ່ນ, ປະຢັດ, ສັດທ່ຽງ, ຮັກສາໄດ້ແບບແຜນດຳລົງຊີວິດທີ່ປົກກະຕິ, ປອດໃສ, ງ່າຍດາຍ. ໃນຕະຫຼອດຊີວິດຂອງເພິ່ນ, ປະທານ ສຸພານຸວົງ ໄດ້ອຸທິດໝົດສະຕິປັນຍາ, ຄວາມຮູ້ຄວາມສາ ມາດ ແລະ ກຳລັງວັງຊາໃຫ້ແກ່ປະເທດຊາດ ແລະ ປະຊາຊົນບັນ ດາເຜົ່າ; ນ້ຳໃຈຮັກຊາດ, ຮັກປະ ຊາຊົນ, ນ້ຳໃຈສາກົນກຳມະຊີບ ຂອງປະທານສຸພານຸວົງແມ່ນ ໃສແຈ້ງ, ເລິກເຊິ່ງ ແລະ ກວ້າງ ຂວາງຈົນຫາສິ່ງໃດມາປຽບ ທຽບ ແລະ ພັນລະນາບໍ່ໄດ້. ຍ້ອນໄດ້ເຕີບໃຫຍ່ຂຶ້ນຢູ່ໃນທ່າມກາງສະພາວະທີ່ປະເທດຊາດ ໄດ້ສູນເສຍຄວາມເປັນເອ ກະລາດ, ຕົກເປັນເມືອງຂຶ້ນເມືອງສ່ວຍຂອງຈັກກະພັດຕ່າງດ້າວ, ປະຊາຊົນລາວບັນດາເຜົ່າໄດ້ຕົກເປັນຂ້ອຍຂ້າ ແລະ ໄດ້ຮັບຄວາມທຸກທໍລະມານ ພາຍໃຕ້ການດຳລົງຊີວິດຂອງຄວາມເປັນຂ້ອຍຂ້າມ້າຕ່າງ ແລະ ໄດ້ຮັບຄວາມເຈັບປວດຢ່າງແສນສາຫັດ ຈາກການກົດຂີ່ຂົ່ມເຫັງຂອງພວກລ່າເມືອງຂຶ້ນ ເຊິ່ງສິ່ງດັ່ງກ່າວ ພາໃຫ້ປະທານ ສຸພານຸວົງ ມີຄວາມຕື່ນຕົວຮັກຊາດ, ຄຽດແຄ້ນສັດຕູຕັ້ງແຕ່ເຍົາໄວ. ປະທານ ສຸພານຸວົງ ໄດ້ເລີ່ມຮຽນໜັງສືໃນຊັ້ນປະຖົມ ຢູ່ຫຼວງພະບາງ ຈາກນັ້ນ, ຈຶ່ງໄປຮຽນຕໍ່ຊັ້ນມັດທະຍົມ ທີ່ຮ່າໂນ້ຍ ສສ ຫວຽດນາມ ໃນປີ 1920 ແລະ ເດີນທາງໄປຮຽນຕໍ່ຂັ້ນ ມະຫາ ວິທະຍາໄລ ໃນຂະແໜງວິສະວະ ກອນຂົວ-ທາງ ທີ່ນະຄອນຫຼວງປາຣີ ປະເທດຝຼັ່ງ ໃນປີ 1937. ໃນສະໄໝທີ່ເພິ່ນເປັນນັກສຶກສາຢູ່ປະເທດຝຼັ່ງ, ປະທານ ສຸພານຸວົງ ໄດ້ເລີ່ມຕົ້ນເຄື່ອນໄຫວດ້ານການເມືອງ ໂດຍມີການພົວພັນທີ່ສະໜິດແໜ້ນກັບນັກສຶກສາຂອງບັນດາປະເທດເມືອງຂຶ້ນ ທີ່ພວມສຶກສາຢູ່ປະເທດຝຼັ່ງໃນເວລານັ້ນ. ຜ່ານການເຂົ້າຮ່ວມເຄື່ອນໄຫວໃນແນວຮ່ວມປະຊາຊົນຕ້ານຟາດຊິດ ໄດ້ເຮັດໃຫ້ ປະທານ ສຸພານຸວົງ ສຶກສາຄົ້ນຄວ້າ, ເຫັນໄດ້ທາດແທ້ ແລະ ຄວາມເປັນຈິງພາຍໃຕ້ລະບອບລ່າເມືອງຂຶ້ນ, ເຮັດໃຫ້ສະຕິຕື່ນຕົວປະຕິວັດ ແລະ ແນວຄວາມຄິດໃນການເຂົ້າຮ່ວມເຄື່ອນໄຫວຕໍ່ສູ້ຕ້ານພວກລ່າເມືອງຂຶ້ນ ຂະຫຍາຍຕົວຢ່າງໜັກແໜ້ນ. ພາຍຫຼັງທີ່ປະທານ ໂຮ່ຈີມິນ ໄດ້ນຳພາສ້າງຕັ້ງ ພັກກອມມູນິດອິນດູຈີນຂຶ້ນ ໃນປີ 1930 ແລະ ນຳພາຂະບວນການຕໍ່ສູ້ຂອງປະ ຊາຊົນອິນດູຈີນເປັນຕົ້ນມາ ໄດ້ສ້າງເງື່ອນໄຂ ເຮັດໃຫ້ຂະບວນການຕໍ່ສູ້ຂອງປະຊາຊົນ 3 ຊາດອິນດູຈີນ ຂະຫຍາຍຕົວກ້າວຂຶ້ນສູ່ຄຸນນະພາບອັນໃໝ່. ພາຍຫຼັງທີ່ກັບຄືນມາອິນດູຈີນ, ປະທານ ສຸພານຸວົງ ໄດ້ກັບຄືນມາສູ່ອິນດູຈີນ ແລະ ໄດ້ເຂົ້າຮ່ວມນຳພາການຕໍ່ສູ້ປະຕິວັດຂອງປະຊາຊົນລາວນັບແຕ່ເວລານັ້ນ ເປັນຕົ້ນມາ. ພາຍໃຕ້ການນຳພາຂອງພັກປະຊາຊົນປະຕິວັດລາວ, ປະທານ ສຸພານຸວົງ ໄດ້ເລີ່ມຈາກນັກຮັກຊາດທີ່ແທ້ຈິງຜູ້ໜຶ່ງ ຈົນກາຍເປັນນັກປະຕິວັດຜູ້ກ້າແກ່ນ, ເປັນຜູ້ນຳຂັ້ນສູງຂອງພັກ ແລະ ລັດເຮົາ ທີ່ມີບົດບາດ, ອິດທິພົນສູງ, ເພິ່ນແມ່ນຜູ້ນຳທີ່ມີຜົນງານອັນໃຫຍ່ຫຼວງ ໃນຂະບວນການນຳພາການຕໍ່ສູ້ ແລະ ການຂະຫຍາຍຕົວຂອງການປະຕິວັດລາວ ກໍຄື ການປະກອບສ່ວນເຂົ້າໃນຂະບວນການຕໍ່ສູ້ຂອງບັນດາປະຊາຊາດຢູ່ໃນທົ່ວໂລກ. ປະທານ ສຸພານຸວົງ ແມ່ນຜູ້ນຳທີ່ມີນ້ຳໃຈອາດຫານ, ຍາມໃດກໍໄດ້ຍົກສູງນ້ຳໃຈຕໍ່ສູ້ ໂດຍບໍ່ຢ້ານກົວຕໍ່ຄວາມເສຍສະຫຼະ.ໃນເວລາທີ່ຢືນຢູ່ໃນສະພາບທີ່ເຄັ່ງຮ້ອນ, ຫົວລ້ຽງຫົວຕໍຂອງບັ້ນຮົບປ້ອງກັນທ່າແຂກ, ກອງກຳລັງປະກອບອາວຸດ ແລະ ປະຊາຊົນຜູ້ຮັກຊາດ ພາຍໃຕ້ການບັນຊາໂດຍກົງຂອງ ປະທານ ສຸພານຸວົງ ໄດ້ຕ່າວໂຈມຕີສັດຕູຢ່າງອົງອາດກ້າຫານ, ສາມາດດັບສູນກຳລັງສັດຕູໄດ້ຢ່າງຫຼວງຫຼາຍ ແລະ ຢັບຢັ້ງການຍຶດຄອງຂອງພວກເຂົາໄດ້ໃນເບື້ອງຕົ້ນ; ເພື່ອຮັກສາກຳລັງຈັ້ງທ່າ, ປະທານ ສຸພານຸວົງ ໄດ້ຖອນກຳລັງຂ້າມໄປສູ່ເຂດປອດໄພ ເຊິ່ງໃນຂະນະນັ້ນ, ສັດຕູໄດ້ໃຊ້ຍົນສູ້ຮົບ ແລະ ປືນໃຫຍ່ລະດົມຍິງຢ່າງໜັກໜ່ວງເຮັດໃຫ້ກຳລັງຂອງພວກເຮົາ ຖືກບາດເຈັບ ແລະ ລົ້ມຕາຍເປັນຈຳ ນວນຫຼວງຫຼາຍ ແລະ ໃນເວລານັ້ນ, ປະທານ ສຸພານຸວົງ ກໍຖືກບາດເຈັບ ເຊັ່ນດຽວກັນ. ເວລາທີ່ຢູໃນສະພາບຄັບຂັນ, ສ່ຽງເປັນສ່ຽງຕາຍ, ເວລາຖືກຈັບ ແລະ ຖືກຄຸມຂັງ ຢູ່ຄຸກໂພນເຄັງ, ປະທານ ສຸພານຸວົງ ຍາມໃດກໍທຸ່ນທ່ຽງ, ໜຽວແໜ້ນ, ບໍ່ຄອນແຄນ, ເຖິງວ່າ ລັດຖະບານຫຸ່ນວຽງຈັນ ໄດ້ໃຊ້ທຸກກົນອຸບາຍ ແລະ ມາດຕາການທີ່ຜິດກົດໝາຍຕໍ່ປະທານ ສຸພານຸວົງ ແລະ ບັນດາຜູ້ນຳການປະຕິວັດເຮົາ, ແຕ່ກໍບໍ່ໄດ້ເຮັດໃຫ້ພວກເພິ່ນມີຄວາມສະທ້ານຢ້ານກົວແຕ່ປະການໃດ, ຍາມໃດເພິ່ນ ແລະ ຜູ້ນຳເຮົາ ກໍເຊື່ອໝັ້ນຕໍ່ການນຳພາຂອງພັກ ແລະ ເຊື່ອໝັ້ນຕໍ່ກຳລັງແຮງຂອງມະຫາຊົນຢູ່ສະເໝີ. ພັກເຮົາໄດ້ຕີລາຄາວ່າ ປະ ທານ ສຸພານຸວົງ ແມ່ນປັນຍາຊົນຜູ້ຍິ່ງໃຫຍ່, ແມ່ນນັກປະຕິວັດທີ່ກ້າແກ່ນ, ນັກການເມືອງທີ່ໂດດເດັ່ນ, ນັກການທະຫານທີ່ເກັ່ງ ກ້າ, ນັກການຕ່າງປະເທດທີ່ສະ ຫຼຽວສະຫຼາດ; ປະທານ ສຸພານຸວົງ ແມ່ນຜູ້ນຳຂັ້ນສູງຮຸ່ນທຳອິດທີ່ມີອິດທິພົນສູງຂອງພັກ ແລະ ການປະຕິວັດລາວ, ແມ່ນລູກຮັກຫຼານປະເສີດ ຂອງປະຊາຊົນລາວບັນດາເຜົ່າ, ຜູ້ນຳພາທີ່ມີທາດແທ້ ປະຕິວັດທີ່ໜຽວແໜ້ນ, ອາດ ຫານ, ຍາມໃດກໍມີຄວາມເຊື່ອໝັ້ນຢ່າງເລິກເຊິ່ງ ຕໍ່ປະຊາຊົນ, ຖືເອົາປະຊາຊົນເປັນກົກ ແລະ ເປັນກຳລັງແຮງຕັດສິນທຸກໄຊຊະນະຂອງພາລະກິດປະຕິວັດ, ຍາມໃດເພິ່ນກໍໄກ້ຊິດສະໜິດສະໜົມ, ເປັນຫ່ວງເປັນໃຍນຳຄວາມສຸກທຸກຂອງປະຊາຊົນຢູ່ສະເໝີ. ສະ ນັ້ນ, ຕະຫຼອດຊີວິດຂອງເພິ່ນ, ປະທານ ສຸພານຸວົງ ໄດ້ອຸທິດເພື່ອອິດສະຫຼະພາບ ແລະ ຄວາມຢູ່ດີກິນດີຂອງປະຊາຊົນບັນດາເຜົ່າໂດຍບໍ່ມີວັດຖຸປະສົງອື່ນໃດ ທີ່ເໜືອກວ່າ. ເຖິງວ່າ ປະທານ ສຸພານຸວົງ ຈະຈາກພວກເຮົາໄປເປັນເວລາດົນນານແລ້ວກໍຕາມ. ແຕ່ ທົ່ວພັກ, ທົ່ວລັດ ແລະ ປະຊາຊົນລາວບັນດາເຜົ່າ ຍັງຄິດຄະນຶງເຖິງເພິ່ນຢ່າງບໍ່ມີຍາມຈືດຈາງ ແລະ ຈາລຶກໄວ້ ເຊິ່ງຜົນງານ, ຄຸນ ງາມຄວາມດີ ແລະ ແບບຢ່າງທີ່ໃສແຈ້ງ ທີ່ເພິ່ນໄດ້ອຸທິດໃຫ້ແກ່ປະເທດຊາດ ແລະ ພາລະກິດປະ ຕິວັດຂອງປະຊາຊົນເຮົາ ຕະຫຼອດໄປ. ໂດຍ: ເຄນໄຊ

news to day and hot news