POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 04 ທັນວາ 2024

ສະຫະພັນບານເຕະແຫ່ງຊາດລາວ ໄດ້ຮັບລາງວັນສະຫະພັນບານເຕະດີເດັ່ນ ແຫ່ງປີ 2023
ເວລາອອກຂ່າວ: 2024-11-04 09:48:07 | ຜູ້ຂຽນ : admin3 | ຈຳນວນຄົນເຂົ້າຊົມ: 98 | ຄວາມນິຍົມ:

ເຫດຜົນທີ່ ສຕລ ໄດ້ຮັບລາງ ວັນນີ້, ຍ້ອນມີການເຄື່ອນໄຫວວຽກງານພັດທະນາບານເຕະຮອບດ້ານຢ່າງເປັນຮູບປະທຳ ໄລຍະ 1 ປີຜ່ານມາ ເຊັ່ນ: ຈັດການແຂ່ງຂັນພາຍໃນປະເທດຢ່າງເຕັມຮູບແບບໃນທຸກລະດັບ, ທຸກລຸ້ນອາຍຸ ທັງຍິງ ແລະ ຊາຍ ລວມທັງການພັດທະນາຄູເຝິກ, ການພັດທະນາບານເຕະຂັ້ນພື້ນຖານ, ການຍົກລະດັບກີລາບານເຕະຍິງ, ການເຂົ້າຮ່ວມການແຂ່ງຂັນລາຍການຕ່າງໆຂອງ AFC, ການພັດທະນາໂຄງລ່າງພື້ນຖານກິລາບານເຕະ, ການມີສັກກະຍາພາບໃນການເປັນເຈົ້າພາບຈັດການແຂ່ງຂັນຂອງ AFC ແລະ ການສ້າງ ຫຼື ປັບປຸງນິຕິກຳຄຸ້ມຄອງຢ່າງຄົບຖ້ວນ ຕາມກົດລະບຽບຂອງ AFC ແລະ ຟີຟ້າ, ທັງໝົດນີ້ ແມ່ນເປັນຕົວຢ່າງທີ່ດີ ຖືກຕ້ອງຕາມວິໄສທັດຂອງ ສະຫະພັນບານເຕະອາຊີ. ທ່ານ ວິເພັດ ສີຫາຈັກ ປະທານ ສຕລ ກ່າວວ່າ: ຮູ້ສຶກຕື່ນເຕັ້ນຫຼາຍທີ່ ສຕລ ໄດ້ຮັບລາງວັນນີ້ ເພາະເປັນການຮັບຮູ້ເຖິງຄວາມພະຍາຍາມຂອງພວກເຮົາ, ໂດຍສະເພາະ ການພັດທະນາກິລາບານເຕະຂັ້ນຮາກຖານ ເພື່ອເຮັດໃຫ້ວຽກງານຂອງພວກເຮົາໄປເຂົ້າເຖິງທຸກພື້ນທີ່ຂອງປະເທດ ແລະ ພວກເຮົາຈະສືບຕໍ່ເຮັດວຽກໜັກຕໍ່ໄປ ເພື່ອພັດທະນາບານເຕະໃນປະເທດລາວ. ສ່ວນ ສະມາຄົມບານເຕະຍີ່ ປຸ່ນ ໄດ້ຮັບລາງວັນສະຫະພັນດີ ເດັ່ນແຫ່ງປີ ປະເພດ Platinum ດ້ວຍຜົນງານການພັດທະນານັກກິລາ, ສະໂມສອນ ແລະ ທີມຊາດພົ້ນເດັ່ນລະດັບທະວີບ ແລະ ລະດັບໂລກ ທັງທີມຍິງ ແລະ ທີມຊາຍ. ຂະນະທີ່ ສະມາຄົມບານເຕະແຫ່ງປະເທດໄທ ໄດ້ລາງວັນສະຫະພັນດີເດັ່ນແຫ່ງປີ ປະເພດ Diamond ດ້ວຍຄວາມແຂງແກ່ນຂອງທີມຊາດລະດັບພາກພື້ນ ແລະ ຜົນສຳເລັດການເປັນເຈົ້າພາບລະດັບພາກພື້ນ ແລະ ທະວີບ ໂດຍສະເພາະ U17 ປີ ຊິງແຊັມ ອາຊີ, ຟຸດຊໍລຊາຍ ຊີງແຊັມອາຊີ ລວມທັງເປັນເຈົ້າພາບກອງປະ ຊຸມໃຫຍ່ ຄັ້ງທີ 34 ຂອງ ເອເອັຟ ແລະ ກອງປະຊຸມໃຫຍ່ ຄັ້ງທີ 74 ຂອງຟີຟ່າ ພ້ອມກັນນັ້ນ ສະມາຄົມບານເຕະໄທ ຍັງຮັກສາມາດຕະຖານສູງສຸດການກຳກັບການເບິ່ງແຍງ ແລະ ຄວາມໂປ່ງໃສ ລະດັບສູງຈາກ ເອເອັຟຊີ. ສ່ວນ ສະມາຄົມບານເຕະປະເທດເນປານ ກໍໄດ້ຮັບລາງວັນສະຫະພັນດີເດັ່ນແຫ່ງປີ ປະເພດ Gold ດ້ວຍການສືບຕໍ່ຮັກສາມາດຕະຖານການປົກຄອງທີ່ດີ ສອດຄ່ອງກັບຫຼັກການຊີ້ນຳຂອງ FIFA ແລະ AFC, ມີຄວາມໂປ່ງໃສ, ມີຄວາມຮັບຜິດຊອບສູງ ແລະ ຍັງມີການເຄື່ອນໄຫວເປັນເຈົ້າພາບ ແລະ ຈັດການແຂ່ງຂັນລະດັບພາກພື້ນຢ່າງມີຜົນສຳ ເລັດຕາມລະດັບຄາດໝາຍ.

news to day and hot news