ວັນສຸກ, ວັນທີ 06 ທັນວາ 2024
ແຂ່ງລົດຈັກໂມໂຕຈີພີ 2024 ລຸ້ນແຊັມ 2 ສະໜາມສຸດທ້າຍ ລະຫວ່າງ ແຊັມເກົ່າ ບານາຢ້າ ແລະ ຈໍເກ້ ມາຕິນ
ເວລາອອກຂ່າວ: 2024-11-05 09:55:49 | ຜູ້ຂຽນ : admin1 | ຈຳນວນຄົນເຂົ້າຊົມ: 119 | ຄວາມນິຍົມ: 
ການແຂ່ງຂັນລົດຈັກທາງພຽງຊີງແຊັມໂລກ ລາຍການໂມໂຕຈີພີ ປະຈຳປີ 2024 ພາຍຫຼັງຈົບສະໜາມທີ 18 ລາຍການ ໄທແລນ ກຣັງປຣີ ທີ່ສະໜາມ ຊ້າງ ອິນເຕີເນເຊີນນໍ ຊີຄຣິດ ທີ່ແຂວງບູຣີຣຳ, ປະເທດໄທ ໃນທ້າຍອາທິດຜ່ານມາ ຍັງເຫຼືອພຽງ 2 ຄົນ ມີລຸ້ນແຊັມໃນ 2 ສະໜາມສຸດທ້າຍຄື: ຟຣານເຊັດສໂກ້ ແບັກໄນອາ (ບານາຢ້າ) ແຊັມເກົ່າ ຊາວອີຕາລີ ຈາກທີມດູຄາຕິ ເລໂນໂວ້ ແລະ ຈໍເກ້ ມາຕິນ ຊາວ ແອັດສປາຍ ຈາກທີມ ພີມາ ພາແມັກ ແລັກຊິງ ນຳໃຊ້ລົດ Ducati ( ດູຄາຕີ້ ).
ເຊິ່ງຜົນງານສະໜາມຫຼ້າສຸດທີ່ປະເທດໄທ ແຊັມຕົກເປັນຂອງ : ບານາຢ້າ ອອກໂຕເປັນຄົນທຳອິດ ແລະ ເຂົ້າເສັ້ນໄຊເປັນຄົນທຳອິດ ດ້ວຍເວລາ 43 ນາທີ 38.108 ວິນາທີ ເອົາຊະນະ ຈໍເກ້ ມາຕິນ ຜູ້ທ້າຊີງ ເກືອບ 3 ວິນາທີ. ບານາຢ້າ ໄດ້ແຊັມເປັນສະໜາມທີ 9 ໃນປີນີ້, ທີ 3 ເປັນຂອງ ເປໂດຣ ອາຄັອດສຕ້າ ຊາວແອັດສະປາຍ ຈາກທີມ ເຣດບຣູ ແກັດແກັດ ທີ3 ນຳໃຊ້ລົດ KTM ຕາມຫຼັງແຊັມ 3.8 ວິນາທີ.
ຂະນະທີ່ ມາກ ມາເກັດ ແຊັມໂລກ 6 ສະໄໝ ຊາວແອັດສະປາຍ ຈາກທີມ ເຈີຊີນີ ແລັກຊິງ ຈົບທີ 11 ຕາມຫຼັງເຖິງ 22 ກວ່າວິນາ ທີ.
ສະຫຼູບຄະແນນນັກຂັບຜ່ານໄປ 18 ສະໜາມ ຜູ້ນຳຍັງແມ່ນ ຈໍເກ້ ມາຕິນ ມີ 453 ຄະແນນ, ທີ 2 ແຊັມເກົ່າ ຟຣານເຊັດສໂກ້ ບານາຢ້າ ມີ 436 ຄະແນນ ຕາມຫຼັງ 17 ຄະແນນ ຍັງເຫຼືອ 2 ສະໜາມ, ທີ 3 ມາກ ມາເກັດ ມີ 355 ຄະແນນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
