ວັນພະຫັດ, ວັນທີ 05 ທັນວາ 2024
ປະຊາກອນ ເອຢິບ ເພີ່ມຂຶ້ນສູງ
ເວລາອອກຂ່າວ: 2024-11-07 08:58:37 | ຜູ້ຂຽນ : admin3 | ຈຳນວນຄົນເຂົ້າຊົມ: 134 | ຄວາມນິຍົມ: 
ສຳນັກຂ່າວຊິນຮວາຂອງ ສປ ຈີນລາຍງານໃຫ້ຮູ້ວ່າ ວັນທີ4 ພະຈິກ 2024 ນີ້, ສຳນັກສະຖິຕິແຫ່ງຊາດຂອງ ເອຢິບ ລາຍງານວ່າ: ຈຳນວນປະຊາກອນ ຂອງປະເທດ ຍັງຄົງຫຼາຍທີ່ສຸດ ໃນໂລກອາຫຼັບສູ່ລະດັບ 107 ລ້ານຄົນ, ເພີ່ມຂຶ້ນ 1 ລ້ານຄົນ ນັບຕັ້ງແຕ່ 8 ກຸມພາ 2024 ປີນີ້ ແລະ ລະຫວ່າງ ວັນທີ 8 ກຸມພາ-2 ພະຈິກ ທີ່ຜ່ານມາ ມີເດັກເກີດໃໝ່ ສະເລ່ຍ 5.385 ຄົນຕໍ່ວັນ. ເຖິງວ່າຈຳນວນເດັກເກີດໃໝ່ ໃນເອຢິບ ຫຼຸດລົງໃນໄລຍະ 5 ປີຜ່ານມາ, ເຊິ່ງສະແດງໃຫ້ເຫັນຄວາມພະຍາຍາມ ຢ່າງເປັນຮູບປະທຳ ຂອງພາກລັດ ໃນການຈັດການກັບຈຳນວນການເຕີບໂຕ ຂອງປະຊາກອນ, ໂດຍອັດຕາການເກີດຫຼຸດລົງຈາກ 3,5 ຄົນຕໍ່ຜູ້ຍິງ 1 ຄົນ ເມື່ອປີ 2014 ເຫລືອທີ 2,54 ຄົນໃນປີ 2023.
ຢ່າງໃດກໍ່ຕາມລາຍງານຂອງ ສະຖິຕິແຫ່ງຊາດ ເອຢິບ ເນັ້ນໜັກວ່າ: ການເຕີບໂຕ ຂອງຈຳນວນປະຊາກອນ ໃນປັດຈຸບັນຫຼາຍກວ່າ 2 ລ້ານຄົນຕໍ່ປີ, ເຊິ່ງຖືເປັນຄວາມທ້າທາຍ ຄັ້ງໃຫຍ່ຕໍ່ເສດຖະກິດ ສິ່ງແວດລ້ອມ ແລະ ສັງຄົມຂອງປະເທດ ເນື່ອງຈາກເປັນອຸປະສັກຕໍ່ຄວາມພະຍາຍາມ ຢ່າງຕໍ່ເນື່ອງໃນການປັບປຸງມາດ
ຕະຖານການຄອງຊີບຂອງພົນ ລະເມືອງ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
