ວັນພະຫັດ, ວັນທີ 05 ທັນວາ 2024
ພະແນກສາທະລະນະສຸກແຂວງ ມອບຄອມພິວເຕີໃຫ້ພະແນກພົວພັນຕ່າງປະເທດ ທະຫານແຂວງຜົ້ງສາລີ
ເວລາອອກຂ່າວ: 2024-11-11 13:36:12 | ຜູ້ຂຽນ : admin2 | ຈຳນວນຄົນເຂົ້າຊົມ: 548 | ຄວາມນິຍົມ: 
ໃນວັນທີ 8 ພະຈິກ 2024 ນີ້, ສະຫາຍ ບຸນສາລີ ຈິດດາພອນ ຫົວໜ້າພະແນກສາທາລະນະສຸກແຂວງ ຜົ້ງສາລີ ຜູ້ເກົ່າ ພ້ອມດ້ວຍຄອບຄົວໄດ້ຕ່າງ ໜ້າພະນັກງານລັດຖະກອນພາຍໃນພະແນກ ແລະ ໃນນາມສ່ວນຕົວໄດ້ນຳເອົາຄອມພິວເຕີຈໍານວນ 1 ຊຸດ, ປິນເຕີ 1 ຊຸດ ລວມມູນຄ່າ 11 ລ້ານກີບ ມາມອບໃຫ້ກັບພະແນກພົວພັນຕ່າງປະເທດ ຫ້ອງການກອງບັນຊາການທະຫານແຂວງຜົ້ງສາລີ. ໂດຍການກ່າວຮັບຂອງ ສະຫາຍ ພົນຈັດຕະວາ ຊຽງເພັງ ບົວລະວົງ ຫົວຫນ້າການເມືອງກອງບັນຊາການທະຫານແຂວງຜົ້ງສາລີ ພ້ອມດ້ວຍຄະນະທັງສອງຝ່າຍເຂົ້າຮ່ວມ.
ສະຫາຍ ພົນຈັດຕະວາ ຊຽງເພັງ ບົວລະວົງ ໄດ້ຕ່າງໜ້າໃຫ້ຄະນະພັກ-ຄະນະບັນຊາ ແລະ ພະນັກງານ-ນັກຮົບພາຍໃນພະແນກພົວພັນຕ່າງປະເທດໄດ້ກ່າວສະແດງຄວາມຂອບໃຈມາຍັງຄອບຄົວ ສະຫາຍ ບຸນສາລີ ຈິດດາພອນ ພ້ອມກັບພະນັກງານລັດຖະກອນພາຍໃນພະແນກສາທາລະນະສຸກແຂວງທີ່ເປັນຫ່ວງເປັນໃຍ ແລະ ໃຫ້ການສະໜັບສະໜູນຕະຫຼອດມາ ແລະ ໄດ້ໃຫ້ຄຳໜັ້ນສັນຍາວ່າຈະໝູນໃຊ້ເຄື່ອງດັ່ງກ່າວເຂົ້າໃນໜ້າທີ່ວຽກງານໃຫ້ເກີດປະໂຫຍດສູງສຸດ.
ຂ່າວ-ພາບ:ນາງສຸນາລີອຸ່ນວີໄຊ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
