ວັນຈັນ, ວັນທີ 20 ມັງກອນ 2025
ກອງບັນຊາການທະຫານແຂວງຜົ້ງສາລີ, ແຂວງຫຼວງພະບາງ ກັບ ກອງບັນຊາການທະຫານປ້ອງກັນຊາຍແດນແຂວງດຽນບຽນ, ແຂວງເຊິນລາ ແລກປ່ຽນວຽກງານຊາຍແດນ
ເວລາອອກຂ່າວ: 2024-12-04 09:26:42 | ຜູ້ຂຽນ : admin1 | ຈຳນວນຄົນເຂົ້າຊົມ: 1810 | ຄວາມນິຍົມ: 
ວັນທີ 26 ພະຈິກ 2024, ຢູ່ທີ່ກອງບັນຊາການທະຫານແຂວງຜົ້ງສາລີ ໄດ້ຈັດກອງປະ ຊຸມພົບປະແລກປ່ຽນວຽກງານຊາຍແດນລະຫວ່າງກອງບັນຊາການທະຫານແຂວງຜົ້ງສາລີ, ແຂວງຫຼວງພະບາງ ແຫ່ງ ສປປ ລາວ ກັບ ກອງບັນຊາການທະ ຫານປ້ອງກັນຊາຍແດນແຂວງດຽນບຽນ ແລະ ແຂວງເຊິນລາ ສສ ຫວຽດນາມ ປະຈຳປີ 2024, ຝ່າຍລາວ ນຳໂດຍ ສະຫາຍ ພັນເອກ ຄຳພອນ ແສນສີວົງສາ ຫົວໜ້າການທະຫານ ກອງບັນ ຊາການທະຫານແຂວງຜົ້ງສາລີ, ສະຫາຍ ພັນໂທ ຄຳຮອນ ທອງແຊວກໍວີວັນ ຮອງຫົວໜ້າຫ້ອງເສນາທິການ ກອງບັນຊາການທະຫານແຂວງຫຼວງພະບາງ ແລະ ຝ່າຍຫວຽດນາມ ນໍາໂດຍ ສະຫາຍ ພັນເອກ ຟ້າມຮົ່ງຢາງ ຮອງຫົວໜ້າກອງບັນຊາການ, ຫົວໜ້າຫ້ອງເສນາທິການ ກອງບັນຊາການທະຫານປ້ອງກັນຊາຍແດນແຂວງດຽນບຽນ ແລະ ສະຫາຍ ພັນເອກ ບ່ານວັນແຈ໋ງ ຮອງຫົວໜ້າການທະຫານ ກອງບັນຊາການທະຫານປ້ອງກັນຊາຍແດນແຂວງເຊີນລາ ພ້ອມດ້ວຍຄະນະຜູ້ແທນທັງສອງຝ່າຍເຂົ້າຮ່ວມ.
ໃນກອງປະຊຸມ ສອງຝ່າຍໄດ້ ຜັດປ່ຽນກັນຜ່ານບົດລາຍງານ ສະພາບຊາຍແດນໃຫ້ກັນຊາບ ເຊິ່ງໄດ້ຍົກໃຫ້ເຫັນສະພາບລວມຢູ່ລຽບຕາມຊາຍແດນຂອງສອງຝ່າຍ ຍັງມີກຸ່ມຄົນບໍ່ຫວັງດີກໍ່ຄວາມບໍ່ສະຫງົບຢູ່ລຽບຕາມຊາຍແດນ, ເຂດຫ່າງໄກສອກຫຼີກ ໂຄສະນາຊວນເຊື່ອບໍ່ໃຫ້ປະຊາຊົນໃນການເຂົ້າຮ່ວມ ເຊື່ອຖືສາສະໜາທີ່ຂັດກັບກົດໝາຍ, ການເຄື່ອນໄຫວຄ້າຂາຍເຖື່ອນ, ຄ້າຂາຍຢາເສບຕິດ, ບັນຫາການຄ້າມະນຸດ, ການຍົກຍ້າຍພູມລຳເນົາແບບເສລີ, ການ ແຕ່ງງານທີ່ບໍ່ຖືກຕາມກົດໝາຍຂອງສອງຊາດ, ການລັກລອບເຂົ້າ-ອອກເມືອງຜິດກົດໝາຍຢູ່ບັນດາປ່ອງຂ້າມລອຍຕ່າງໆ ແລະ ການຂຸດຄົ້ນເຄື່ອງປ່າຂອງດົງທີ່ຫວງຫ້າມຕ່າງໆ, ສະ ພາບປະຊາຊົນລຽບຕາມຊາຍແດນຍັງຮັກສາໄດ້ຄວາມສະຫງົບ ແລະ ມີສະຖຽນລະພາບ, ຮັກສາໄດ້ມູນເຊື້ອຄວາມສາມັກຄີມິດຕະພາບ, ເຊື່ອໝັ້ນຕໍ່ແນວທາງນະໂຍບາຍຂອງພັກ, ຂໍ້ກຳນົດ, ກົດລະບຽບ, ກົດໝາຍຂອງ ລັດ, ໄປມາຫາສູ່, ແລກປ່ຽນສິນຄ້າ, ຊ່ວຍເຫຼືອເຊິ່ງກັນ ແລະ ກັນ ເພື່ອພັດທະນາເສດຖະກິດຄອບຄົວໃຫ້ຫຼຸດພົ້ນອອກຈາກຄວາມທຸກຍາກເທື່ອລະກ້າວ. ສຳລັບທິດທາງຕໍ່ໜ້າສອງຝ່າຍ ຈະສືບຕໍ່ເພີ່ມທະວີທຸກການ ເຄື່ອນໄຫວ, ສືບຕໍ່ໂຄສະນາສຶກ ສາອົບຮົມປະຊາຊົນຮັບຮູ້ເຂົ້າໃຈຢ່າງເລິກເຊິ່ງກ່ຽວກັບຂໍ້ກຳນົດກົດລະບຽບຊາຍແດນ, ກົດ ໝາຍລະຫວ່າງຊາດ ເພື່ອປະ ກອບສ່ວນສ້າງເສັ້ນຊາຍແດນ ໃຫ້ມີສັນຕິພາບ, ມິດຕະພາບ, ເພີ່ມທະວີເປັນເຈົ້າການແລກ ປ່ຽນຂໍ້ມູນຂ່າວສານ, ການເກັບ ກຳສະພາບ, ເຄື່ອນໄຫວລາດ ຕະເວນຮ່ວມຂອງສອງຝ່າຍ, ຊີ້ນຳບັນດາກົມກອງທະຫານປ້ອງກັນຊາຍແດນແຮກສ່ຽວໃນການເຄື່ອນໄຫວກວດກາລາດ ຕະເວນຮ່ວມຕາມບົດບັນທຶກພົວພັນຮ່ວມມືຂອງສອງຝ່າຍ ຈາກນັ້ນ, ຜູ້ແທນທັງສອງຝ່າຍໄດ້ປະກອບຄຳຄິດເຫັນຕໍ່ກອງປະຊຸມ, ພ້ອມທັງເຫັນດີເປັນເອກະພາບລົງນາມບົດບັນທຶກຊ່ວຍຈຳ ພົວພັນຮ່ວມມືປະສານງານການຄຸ້ມຄອງ, ປ້ອງກັນຊາຍແດນ ແລະ ມອບໃຫ້ກອງບັນຊາການທະຫານປ້ອງກັນຊາຍແດນແຂວງດຽນບຽນ ເປັນເຈົ້າພາບຈັດກອງປະຊຸມພົບປະແລກປ່ຽນປະຈຳປີ 2025.
ໂດຍ: ທອງສຸກ ຈັນຖະໜອມ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
