POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 24 ມິຖຸນາ 2025

ສະຫຼຸບການກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ທົ່ວກົມໃຫຍ່ການເມືອງກອງທັບ
ເວລາອອກຂ່າວ: 2025-05-21 14:41:22 | ຜູ້ຂຽນ : admin2 | ຈຳນວນຄົນເຂົ້າຊົມ: 2871 | ຄວາມນິຍົມ:

ໃນວັນທີ 21 ພຶດສະພາ 2025 ນີ້, ກົມໃຫຍ່ການເມືອງກອງທັບ ໄດ້ຈັດກອງປະຊຸມສະຫຼຸບການກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ໂດຍການເປັນປະທານ ຂອງສະຫາຍ ພົນຕີ ວົງສອນ ອິນປານພິມ ກໍາມະການຄະນະປະຈໍາພັກກະຊວງ, ຮອງລັດຖະມົນຕີກະຊວງປ້ອງກັນປະເທດ, ເລຂາຄະນະພັກ, ຫົວໜ້າກົມໃຫຍ່ການເມືອງກອງທັບ, ມີຄະນະພັກ-ຄະນະບັນຊາ ກົມ, ຫ້ອງການ, ກອງ ທີ່ຂຶ້ນກັບ ກົມໃຫຍ່ການເມືອງກອງທັບ ເຂົ້າຮ່ວມ. ສະຫາຍ ພັນເອກ ອໍາພອນ ສຸກວິໄຊ ກໍະມະການຄະນະພັກກົມໃຫຍ່, ຫົວໜ້າຫ້ອງການເມືອງ ກົມໃຫຍ່ການເມືອງກອງທັບ ໄດ້ຜ່ານບົດສະຫຼຸບລາຍງານ ແລະ ຕີລາຄາຄືນການນໍາພາປັບປຸງກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈໍາປີ 2024 ແລະ ວາງທິດທາງແຜນການ ປະຈໍາປີ 2025 ໃນໄລຍະຜ່ານມາ, ຄະນະພັກກົມໃຫຍ່ການເມືອງກອງທັບ ໄດ້ຖືເອົາວຽກງານສຶກສາອົບຮົມການເມືອງ-ນໍາພາແນວຄິດເປັນບັນຫາສໍາຄັນ ນໍາພາ-ຊີ້ນໍາຄະນະພັກຮາກຖານ, ຄະນະໜວ່ຍພັກ ຕະຫຼອດຮອດພະນັກງານ-ສະມາຊິກພັກ ທົ່ວອົງການກົມໃຫຍ່ການເມືອງກອງທັບ ມີຄວາມສະຫງົບ ປອດໃສ ເຂັ້ມແຂງ ໜັກແໜ້ນ ໂດຍຖືເອົາຄຸນນະພາບເປັນກົກ, ເອົາປະລິມານເປັນສໍາຄັນ. ນອກນັ້ນ, ຍັງໄດ້ປັບປຸງແບບແຜນການນໍາພາ ຂອງຄະນະພັກຮາກຖານ, ຄະນະໜ່ວຍພັກ ໃຫ້ມີຄວາມເປັນເອກະພາບ ແລະ ປະຕິບັດຕາມລະບຽບຫຼັກການນໍາພາຂອງພັກຢ່າງຖືກຕ້ອງ, ເອົາໃຈໃສ່ເພີ່ມທະວີຍົກສູງວຽກງານກວດກາພັກ ແລະ ປ້ອງກັນພັກ ສະຫຼຸບຕີລາຄາລາຍງານສ່ອງແສງຢ່າງເປັນປົກກະຕິ, ປັບປຸງໂຄງປະກອບດ້ານການຈັດຕັ້ງ ຂັ້ນກົມ, ຫ້ອງການ ແລະ ກອງ ໂດຍຢຶດໝັ້ນ 5 ຫຼັກການ 3 ທິດນໍາຂອງພັກ ມີຄວາມໜັກແໜ້ນ ເຂັ້ມແຂງ, ມີຄວາມໂປງໃສ ແລະ ມີຄຸນນະພາບ, ຮັບປະກັນໄດ້ໃນການສ້າງພະນັກງານ 3 ຮຸ່ນ ສືບທອດປ່ຽນແທນ, ຮັກສາໄດ້ລະບອບດໍາເນີນຊີວິດການເມືອງພາຍໃນພັກ ແລະ ເສຍເງິນສະຕິພັກຢ່າງເປັນປົກກະຕິ, ຈັດຕັ້ງເປີດຮຽນສະໜັບສະໜູນ ແລະ ກົດລະບຽບພັກປະຊາຊົນປະຕິວັດລາວ ໃຫ້ມະຫາຊົນຜູ້ກ້າວໜ້າ ເພື່ອກະກຽມຂະຫຍາຍເຂົ້າເປັນສະມາຊິກພັກ ຖືກຕາມຂັ້ນຕອນລະບຽບການຂອງພັກຢ່າງເຂັ້ມງວດ. ປັດຈຸບັນ ທົ່ວອົງຄະນະພັກກົມໃຫຍ່ການເມືອງກອງທັບ ມີ 10 ຄະນະພັກຮາກຖານ, ມີ 61 ໜ່ວຍພັກ. ສາມາດຕີລາຄາແບ່ງປະເພດຄຸນນະພາບ ຂອງໜ່ວຍພັກປອດໃສ ເຂັ້ມແຂງ ໜັກແໜ້ນ ແລະ ສະມາຊິກພັກແຂງ ປະຈຳປີ 2024 ໄດ້ດັ່ງນີ້: ປະເພດແຂງໄດ້ 82,96%, ກາງ 2,73%, ບໍ່ໄດ້ແບ່ງປະເພດ 14,07% ແລະ ຮັບຮອງເປັນໜ່ວຍພັກ ປອດໃສ ເຂັ້ມແຂງ ໜັກແໜ້ນ ມີ 32 ໜ່ວຍພັກ ໃນນັ້ນ,ຮັບຮອງ 6 ຄັ້ງຕິດຕໍ່ກັນມີ 17 ກົມກອງ, 5 ຄັ້ງຕິດຕໍ່ກັນມີ 3 ກົມກອງ, 4 ຄັ້ງຄິດຕໍ່ກັນມີ 3 ກົມກອງ, 3 ຄັ້ງຕິດຕໍ່ກັນມີ 1 ກົມກອງ, 2 ຄັ້ງຄິດຕໍ່ກັນມີ 4 ກົມກອງ ແລະ ສະເໜີຮັບຮອງໃໝ່ມີ 4 ກົມກອງ. ຈາກນັ້ນ, ສະຫາຍ ພັນເອກ ແກ້ວສຸວັນ ຜາງພິລາງວົງ ກໍາມະການຄະນະພັກກົມໃຫຍ່, ຫົວໜ້າກົມໂຄສະນາອົບຮົມ ກົມໃຫຍ່ການເມືອງກອງທັບ ໄດ້ຜ່ານມະຕິຕົກລົງ ຂອງຄະນະເລຂາທິການສູນກາງພັກ ວ່າດ້ວຍການປະດັບຫຼຽນກາລະນຶກ 70 ປີ ວັນສ້າງພັກປະຊາຊົນປະຕິວັດລາວ (22 ມີນາ 1955-22 ມີນາ 2025) ໃຫ້ສະມາຊິກພັກປະຈໍາການຢູ່ກະຊວງປ້ອງກັນປະເທດ ຈໍານວນ 1.019 ສະຫາຍ, ຍິງ 56 ສະຫາຍ ຕໍ່ຜູ້ທີ່ມີຜົນງານດີເດັ່ນ, ມີເງື່ອນໄຂມາດຖານຄົບຖ້ວນ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ. ໂອກາດນີ້, ສະຫາຍ ພົນຕີ ວົງສອນ ອິນປານພິມ ໄດ້ເນັ້ນໜັກໃຫ້ຄະນະພັກ-ຄະນະບັນຊາແຕ່ລະຂັ້ນ ເພີ່ມທະວີວຽກງານສຶກສາອົບຮົມການເມືອງ-ນໍາພາແນວຄິດໃຫ້ຖັນແຖວພະນັກງານສະມາຊິກພັກ ຕິດພັນກັບການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ບັນພື້ນຖານຢຶດໝັ້ນ 5 ຫຼັກການ 3 ທິດດນໍາຂອງພັກໃຫ້ເປັນໜ້າທີ່ຄວາມຮັບຜິດຊອບຂອງໝົດທຸກຄົນ ແລະ ສາມາດເປັນແກນນໍາໃນລະບົບການເມືອງຢູ່ໃນກົມໃຫຍ່ການເມືອງກອງທັບຢ່າງແທ້ຈິງ ໂດຍການຫັນເອົາມະຕິ, ຄໍາສັ່ງ ຂອງຂັ້ນເທິງ ກໍຄືມະຕິຂອງກົມກອງມາຈັດຕັ້ງປະຕິບັດໃຫ້ສອດຄ່ອງແທດເໝາະກັບຈຸດພິເສດໜ້າທີ່ການເມືອງ ແລະ ວິຊາສະເພາະຂອງຕົນ ພ້ອມນັ້ນ, ກໍເອົາໃຈໃສ່ວຽກງານກວດກາພັກໃນຖານະທີ່ເປັນເສນາທິການຊ່ວຍຄະນະພັກຂັ້ນເທິງ ໄປພ້ອມກັບການສ້າງແຜນການ, ຄາດໝາຍສູ້ຊົນແຕ່ລະໄລຍະໃຫ້ລະອຽດຈະແຈ້ງ ແລະ ນໍາເອົາເນື້ອໃນກອງປະຊຸມສະຫຼຸບການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ໃນຄັ້ງນີ້ ໄປຈັດຕັ້ງຜັນຂະຫຍາຍຢູ່ໃນຄະນະພັກຂອງຕົນໃຫ້ປະສົບຜົນສໍາເລັດໃຫຍ່ຫຼວງຂຶ້ນກວ່າເກົ່າ. ໂດຍ: ຄໍາປ໋ອກ

news to day and hot news