ວັນອັງຄານ, ວັນທີ 24 ມິຖຸນາ 2025
ເປີດການແຂ່ງຂັນກິລາການທະຫານ ແລະ ກິລາມວນຊົນທົ່ວກອງທັບ ເຂດ III
ເວລາອອກຂ່າວ: 2025-05-22 09:16:25 | ຜູ້ຂຽນ : admin1 | ຈຳນວນຄົນເຂົ້າຊົມ: 1561 | ຄວາມນິຍົມ: 
ວັນທີ 16 ພຶດສະພາ 2025 ນີ້, ຢູ່ທີ່ສະໜາມກິລາແຂວງສະຫວັນນະເຂດ ໄດ້ຈັດພິທີເປີດການແຂ່ງຂັນກິລາການທະຫານແລະກິລາມວນຊົນ, ຊີງຂັນລັດ
ຖະມົນຕີກະຊວງປ້ອງກັນປະເທດ, ໂດຍການເປັນປະທານຂອງ ສະຫາຍ ນາງ ຫຼິງທອງ ແສງຕາວັນ ຮອງເຈົ້າແຂວງ ແຂວງສະຫວັນນະເຂດ, ມີສະຫາຍ ພັນເອກ ແສງອຳພອນ ພູມີເງິນ ຮອງຫົວໜ້າກົມອົມຮົມ ກົມໃຫຍ່ເສນາທິການກອງທັບ ພ້ອມຄະນະ ແລະ ອະນຸກຳມະການ ແລະ ບັນດາທີມນັກກິລາຈາກກົມກອງກຳລັງຫຼວງ, ກຳລັງທ້ອງຖິ່ນພາກກາງ ແລະ ພາກໃຕ້ເຂົ້າຮ່ວມແຂ່ງຂັນ ທັງໝົດ 19 ກົມກອງ.
ກ່ອນເຂົ້າສູ່ພິທີຍັງໄດ້ຮັບຊົມການສະແດງສິລະປະ-ວັນນະຄະດີສະໝັກຫຼິ້ນຈາກກອງບັນຊາການທະຫານແຂວງສະຫວັນນະເຂດ. ເຊິ່ງປະກອບມີ 4 ລາຍ
ການ, ແຕ່ລະລາຍການລ້ວນແລ້ວແຕ່ສ່ອງແສງວຽກພັກ-ລັດ ແລະກອງທັບ. ຈາກນັ້ນ ສະຫາຍ ພັນເອກ ສຸກສະໝອນ ສີພັນດອນ ຫົວໜ້າການທະຫານ ກອງບັນຊາການທະຫານແຂວງສະຫວັນນະເຂດ ທັງເປັນຄະນະກຳມະການຈັດງານແຂ່ງຂັນກິລາທົ່ວກອງທັບ ເຂດ III ໄດ້ຜ່ານແຜ່ນການແຂ່ງຂັນກິລາໃນຄັ້ງນີ້ ປະກອບມີ: ກິລາບານເຕະຊາຍ ມີ 5 ຄະນະ, ກິລາບານສົ່ງຊາຍ 5 ຄະນະ, ກິລາກະຕໍ້ດ່ຽວຊາຍ 12 ຄະນະ, ເປຕັງປະສົມຍິງ-ຊາຍ 17 ຄະນະ, ກິລາການທະຫານມີ 165 ຄະນະ ແລະ ກິລາຍິງປືນທະຫານຮາບ 130 ຄະນະ. ການແຂ່ງຂັນຈະໄດ້ດຳເນີນໄປເປັນເວລາ 7 ວັນຈຶ່ງຈະສຳເລັດ.
ໃນໂອກາດນີ້, ສະຫາຍ ນາງ ຫຼິງທອງ ແສງຕາວັນ ຮອງເຈົ້າແຂວງ ແຂວງສະຫັວນນະເຂດ ທັງເປັນຄະນະປະທານຈັດງານແຂ່ງຂັນກິລາການທະຫານ ແລະ
ກິລາມວນຊົນທົ່ວກອງທັບ ເຂດ III ທີ່ແຂວງສະຫັວນນະເຂດ ໄດ້ຮັບກຽດເປັນເຈົ້າພາບ. ເຊິ່ງໄດ້ຮຽກຮ້ອງໃຫ້ບັນດາຄະນະກຳມະການຜູ້ຕັດສິນ ແລະ ນັກກິລາແຕ່ລະປະເພດການແຂ່ງຂັນຈົ່ງພ້ອມກັນປະຕິບັດກົດກະຕິກາຂອງກິລາວາງອອກຢ່າງເຂັ້ມງວດ. ເພື່ອເຮັດໃຫ້ການແຂ່ງຂັນກິລາໃນຄັ້ງນີ້ມີຄວາມຈົບງານ, ເປັນລະບຽບຮຽມຮ້ອຍດີ ແລະ ສ້າງໄດ້ຄວາມສາມັກຄີລະຫວ່າງກົມກອງກັບກົມກອງໃຫ້ແໜ້ນແຟ້ນຍິ່ງໆຂຶ້ນ.
ໂດຍ: ຄຳໃສ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
