ວັນພະຫັດ, ວັນທີ 13 ພະຈິກ 2025
ຫົວໜ້າກົມນະໂຍບາຍລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ສູນເສຍອົງຄະ 194
ເວລາອອກຂ່າວ: 2025-10-10 09:10:59 | ຜູ້ຂຽນ : admin1 | ຈຳນວນຄົນເຂົ້າຊົມ: 767 | ຄວາມນິຍົມ: 
ໃນວັນທີ 7 ຕຸລາ 2025 ນີ້, ສະຫາຍ ພັນເອກ ພອນມີໄຊ ສີວົງຊຳ ຫົວໜ້າກົມນະໂຍບາຍກົມໃຫຍ່ການເມືອງກອງທັບ ພ້ອມດ້ວຍຄະນະ ໄດ້ລົງຢ້ຽມ
ຢາມ ແລະ ເຮັດວຽກຢູ່ສູນເສຍອົງຄະ 194 ຄັງໄຂ ແຂວງຊຽງຂວາງ, ມີສະຫາຍ ພັນໂທ ສົມພັນ ສີບຸນຕາ ຮອງຫົວໜ້າຫ້ອງການເມືອງ, ມີພະແນກນະໂຍບາຍ, ພະແນກປະກັນສັງຄົມ, ນາຍ ແລະ ພົນທະຫານທົ່ວສູນເຂົ້າຮ່ວມ.
ສະຫາຍ ຮ້ອຍເອກ ນາງ ຄຳສີ ສີວັນເຮືອງ ຫົວໜ້າການເມືອງ ສູນເສຍອົງຄະ 194 ກໍໄດ້ຂຶ້ນລາຍງານສະພາບທີ່ຕັ້ງ ແລະ ການເຄື່ອນໄຫວວຽກງານຫຍໍ້ໃນໄລຍະທີ່ຜ່ານມາ
ຈາກນັ້ນ, ພະແນກວິຊາການກໍໄດ້ຜັດປ່ຽນກັນຊີ້ແຈງແຕ່ລະໜ້າວຽກຕົວຈິງເປັນຕົ້ນວຽກງານປະກັນສັງຄົມ, ເງິນອຸດໜູນເສຍອົງຄະ ຢ່າງກົງໄປກົງມາໃຫ້ພະ
ນັກງານສູນໄດ້ຮັບຮູ້ ແລະ ເຂົ້າໃຈແຈ້ງຕໍ່ວຽກງານດັ່ງກ່າວ
ໂອກາດນີ້, ສະຫາຍ ພັນເອກ ພອນມີໄຊ ສີວົງຊຳ ໄດ້ຕາງໜ້າໃຫ້ຄະນະກ່າວສະແດງຄວາມຢື້ຢາມຖາມຂ່າວ, ຄວາມສາມັກຄີຮັກແພງ ແລະ ຄວາມເປັນຫ່ວງເປັນໄຍ ມາຍັງບັນດາພະນັກງານປະຕິວັດອາວຸໂສກໍຄືພະນັກງານສູນເສຍອົງຄະ, ພ້ອມທັງກ່າວອວຍພອນໄຊອັນປະເສີດມາຍັງບັນດາພະນັກງານໃນສູນເສຍອົງຄະຈົ່ງມີສຸຂະພາບແຂງແຮງ ພ້ອມກັນສ້າງສາພັດທະນາສູນເສຍອົງຄະໃຫ້ຈະເລີນກ້າວໜ້າຍິ່ງໆຂຶ້ນ ພ້ອມນັ້ນ ຍັງໄດ້ນຳເອົາຂອງຂວັນຈຳນວນໜຶ່ງມາມອບໃຫ້ສູນເສຍອົງຄະຕື່ມອີກ.
ພາບ-ຂ່າວ: ວັດທະນາ ພັນທະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
