POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 13 ພະຈິກ 2025

ການເຄື່ອນໄຫວຂອງກົມກອງຕ່າງໆ ໃນເດືອນກັນຍາຜ່ານມາ
ເວລາອອກຂ່າວ: 2025-10-15 09:10:56 | ຜູ້ຂຽນ : admin1 | ຈຳນວນຄົນເຂົ້າຊົມ: 426 | ຄວາມນິຍົມ:

ກອງພັນໃຫຍ່ 102 ກອງພົນທີ 1: ໄດ້ເປັນເຈົ້າພາບຈັດກອງປະຊຸມສ່ອງແສງ ວຽກງານຮອບດ້ານປະຈຳໄຕມາດ III ແລະ ວາງທິດທາງແຜນການປະຈຳໄຕມາດ IV ຂອງບັນດາກົມກອງ ທົ່ວກອງພົນທີ 1, ໂດຍການເປັນປະທານຂອງ ສະຫາຍ ພັນເອກ ຄຳຊາວ ລິນທະກຸນແກ້ວ ຫົວໜ້າການທະຫານ ກອງພົນທີ 1. ໃນກອງປະຊຸມ ຄະນະພັກ-ຄະນະບັນຊາແຕ່ລະກົມກອງ ໄດ້ພັດປ່ຽນກັນລາຍງານສະພາບການເຄື່ອນໄຫວວຽກງານ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານ ທີ່ກະຊວງປ້ອງກັນປະເທດວາງອອກ ໃນໄລຍະ 3 ເດືອນຜ່ານມາ, ເຊິ່ງ ໄດ້ຍົກໃຫ້ເຫັນຜົນງານດ້ານຕ່າງໆ ທີ່ໄດ້ຈັດຕັ້ງປະຕິບັດ ແລະ ບັນດາຂໍ້ຄົງຄ້າງທີ່ຈະຕ້ອງໄດ້ສືບຕໍ່ປັບປຸງແກ້ໄຂ ໃຫ້ດີຂຶ້ນ. ກອງບັນຊາການທະຫານເມືອງເຊບັ້ງໄຟ ແຂວງຄຳມ່ວນ: ໄດ້ປະ ກາດການແຕ່ງຕັ້ງ ຂັ້ນນຳພາ-ບັນຊາ ໃນນີ້, ໄດ້ສັ່ງຖອນສະຫາຍ ພັນໂທ ຄຳຜົງ ຍົງລາວຟອງ ຫົວໜ້າການເມືອງ ກອງບັນຊາການທະຫານເມືອງເຊບັ້ງໄຟ ໄປລໍຖ້າຮັບອຸດໜູນບຳນານ ຢູ່ຫ້ອງການເມືອງກອງບັນຊາການທະຫານແຂວງ, ແຕ່ງຕັ້ງ ສະຫາຍ ພັນໂທ ໄມມົນ ຂຸນຍຸລາດ ເປັນຮັກສາການຫົວໜ້າການທະຫານ ແລະ ສະຫາຍ ພັນໂທ ພອນໄຊ ເພັງນະຄອນ ເປັນຮັກສາການຫົວໜ້າການເມືອງ ກອງບັນຊາການທະຫານເມືອງເຊບັ້ງໄຟ, ພ້ອມດຽວກັນນີ້, ຍັງໄດ້ປະກາດການບົ່ງຕົວແຕ່ງຕັ້ງ ສະຫາຍ ພັນໂທ ພອນໄຊ ເພັງນະຄອນ ເປັນເລຂາຄະນະພັກຮາກຖານ, ສະຫາຍ ພັນໂທ ໄມມົນ ຂຸນຍຸລາດ ເປັນຮອງເລຂາຄະນະພັກຮາກຖານ ກອງບັນຊາການທະຫານເມືອງເຊບັ້ງໄຟ. ໃນພິທີ ຍັງໄດ້ລົງນາມເຊັນບົດບັນທຶກມອບຮັບໜ້າທີ່ເຊິ່ງກັນ ແລະ ກັນ ລະຫວ່າງ ສະຫາຍ ຫົວໜ້າການເມືອງ (ຜູ້ເກົ່າ) ແລະ ສະຫາຍ ຫົວໜ້າການເມືອງ (ຜູ້ໃໝ່). ເຂົ້າຮ່ວມໃນ ພິທີມີສະຫາຍ ພັນເອກ ບຸນເລີດ ບຸບຜາວັນ ຫົວໜ້າການທະຫານ ກອງບັນຊາການທະຫານແຂວງຄຳມ່ວນ ແລະ ສະຫາຍ ເພັດສະເດັດ ໄຊຍະລາດ ຫົວໜ້າຄະນະຈັດຕັ້ງເມືອງ ເຊບັ້ງໄຟ. ກອງພັນທີ 2 ທີ່ຂຶ້ນກັບ ກອງພັນໃຫຍ່ 202 ກອງພົນທີ 2: ໄດ້ປະກາດການແຕ່ງຕັ້ງ ຄະນະບໍລິຫານງານຊາວໜຸ່ມກອງພັນ, ໂດຍການເຂົ້າຮ່ວມຂອງ ສະຫາຍ ພັນໂທ ຄຳໄບ ວິໄລພອນ ຮອງຫົວໜ້າພະແນກການເມືອງ, ຜູ້ຊີ້ນຳ ວຽກງານອົງການຈັດຕັ້ງມະຫາຊົນ ກອງພັນໃຫຍ່ 202. ໂດຍປະຕິບັດຕາມຂໍ້ຕົກລົງຂອງພະແນກການເມືອງ ກອງພັນໃຫຍ່ 202 ວ່າດ້ວຍການແຕ່ງຕັ້ງປ່ຽນແທນຄະນະບໍລິຫານງານຊາວໜຸ່ມ ກອງພັນທີ 2 ໃນນີ້, ແຕ່ງຕັ້ງ ສະຫາຍ ຮ້ອຍເອກ ພອນສະຫວັນ ສັນຕິບຸນແທນ ເປັນເລຂາຄະນະບໍລິຫານງານຊາວໜຸ່ມ ປ່ຽນແທນ ສະຫາຍ ພັນໂທ ອ່ຽງ ຄຳພັນ ທີ່ໄປຮັບໜ້າທີ່ໃໝ່ ເປັນຫົວໜ້າການເມືອງກອງພັນ, ແຕ່ງຕັ້ງ ສະຫາຍ ຮ້ອຍເອກ ຕວນ ແສງສຸທາ ເປັນຮອງເລຂາຄະນະບໍລິຫານງານຊາວໜຸ່ມ ແລະ ແຕ່ງຕັ້ງ ສະຫາຍ ຮ້ອຍໂທ ບຸນມີ ໂສພາ ເປັນກຳມະການຈັດຕັ້ງ ຄະນະບໍລິຫານງານໜ່ວຍຊາວໜຸ່ມ ກອງພັນທີ 2. ອົງການປົກປ້ອງກົດໝາຍ ກອງບັນຊາການທະຫານແຂວງເຊກອງ: ໄດ້ລົງໂຄສະນາເຜີຍ ແຜ່ກົດໝາຍ ແລະ ນິຕິກຳພາຍໃຕ້ກົດໝາຍ ຢູ່ກອງບັນຊາການ ທະຫານເມືອງລະມາມ, ສະຫະພັນນັກຮົບເກົ່າແຂວງ, ຫ້ອງການຄະນະກຳມະການ ປ້ອງກັນຊາດ-ປ້ອງກັນຄວາມສະຫງົບແຂວງ ແລະ ກອງປະຕິບັດງານ 137, ໂດຍການເປັນປະທານຂອງ ສະຫາຍ ພັນໂທ ສັງວານ ແສງສັກສິດ ຮອງຫົວໜ້າຫ້ອງການເມືອງ ກອງບັນຊາການທະຫານແຂວງເຊກອງ, ຫົວໜ້າຄະ ນະລົງໂຄສະນາເຜີຍແຜ່ກົດໝາຍແລະ ນິຕິກຳໃຕ້ກົດໝາຍຂັ້ນກອງບັນຊາການ. ຈຸດປະສົງ ກໍເພື່ອເປັນການສຶກສາອົບຮົມ ໃຫ້ພະນັກງານ-ນັກຮົບ ຮັບຮູ້ ແລະ ເຂົ້າໃຈແຈ້ງ ກ່ຽວກັບລັດຖະທຳມະນູນ ແລະ ກົດໝາຍຕ່າງໆ ທີ່ລັດປະກາດໃຊ້, ໂດຍສະເພາະບັນດາກົດໝາຍທີ່ກ່ຽວຂ້ອງກັບວຽກງານປ້ອງກັນຊາດ ແລະ ບັນດາ ກົດໝາຍທີ່ຕິດພັນກັບການດຳລົງຊີວິດຂອງພະນັກງານ-ນັກຮົບ, ເພື່ອຮັບປະກັນໃຫ້ກຳລັງທ້ອງຖິ່ນ ເຂົ້າເຖິງແຫຼ່ງຂໍ້ມູນຂ່າວສານກ່ຽວກັບກົດໝາຍຫຼາຍຂຶ້ນ, ເຮັດ ໃຫ້ພະນັກງານ-ນັກຮົບ ມີຄວາມຮັບຮູ້ ແລະ ເຂົ້າໃຈຕໍ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດຢ່າງກວ້າງຂວາງ, ມີສະຕິເຄົາລົບດ້ານລະບຽບກົດ ໝາຍ ແລະ ມີລະບຽບວິໄນ ຢ່າງເຂັ້ມງວດ. ກອງພັນໃຫຍ່ 102 ກອງພົນທີ 1: ໄດ້ສຳເລັດການອົບຮົມ-ຫັດແອບ ວຽກງານເຕັກນິກປະຈຳປີ 2025, ໂດຍການເປັນປະທານ ແລະ ຊີ້ນຳການອົບຮົບຂອງ ສະຫາຍ ພັນໂທ ຄຳຟອງ ວົງສູນທອນ ຮອງຫົວໜ້າຫ້ອງເຕັກນິກກອງພົນທີ 1. ຈຸດປະສົງ ກໍເພື່ອເຮັດໃຫ້ຄະນະພັກ-ຄະນະບັນຊາທຸກຂັ້ນ ແລະ ພະນັກງານ-ນັກຮົບ ຮັບຮູ້ເຊື່ອມຊຶມ, ກຳແໜ້ນຄວາມໝາຍ, ຄວາມສຳຄັນພື້ນ ຖານເຕັກນິກວິຊາສະເພາະ, ຍົກລະດັບຄວາມຮູ້ຄວາມສາມາດໃຫ້ພະນັກງານວິຊາສະເພາະເຕັກນິກ ເຂົ້າໃຈບັນດາເນື້ອໃນ, ວິທີການ ແລະ ບົດຮຽນອັນຈຳເປັນ ເພື່ອໝູນໃຊ້ໃຫ້ສອດຄ່ອງກັບໜ້າທີ່ວຽກງານຕົວຈິງ ທັງເປັນການທົບທວນຄືນບົດຮຽນອັນເກົ່າ ແລະ ອັນໃໝ່ທີ່ໄດ້ຮ່ຳຮຽນ ເພື່ອນຳມາປັບປຸງ ແລະ ໝູນໃຊ້ ໃຫ້ມີປະສິດທິຜົນສູງ. ໂຮງງານປະສານເຫຼົ່າຫຼວງພະບາງ: ສະຫາຍ ພັນໂທ ພະນົມໄພ ວົງລັດສະໝີ ອຳນວຍການໂຮງງານປະສານເຫຼົ່າຫຼວງພະບາງ ພ້ອມດ້ວຍຄະນະ ໄດ້ຕ້ອນຮັບຂະບວນທັດສະນະສຶກສາ ໂຮງຮຽນການເມືອງ-ການປົກຄອງ ແຂວງຫຼວງພະບາງ. ການທັດສະນະສຶກສາໃນຄັງນີ້, ນັກສຶກສາໄດ້ຮັບຟັງລາຍງານຫຍໍ້ກ່ຽວກັບປະຫວັດຄວາມເປັນມາ, ທີ່ຕັ້ງ ແລະ ການເຄື່ອນໄຫວປະຕິບັດໜ້າທີ່ ຂອງໂຮງງານໃນແຕ່ລະໄລຍະ ພ້ອມທັງໄດ້ລົງທັດສະນະຢ້ຽມຊົມ ການປະຕິບັດໜ້າທີ່ວຽກງານຕົວຈິງ ຂອງພະນັກງານ-ນັກຮົບ ຢູ່ແຕ່ລະພະແນກ, ຂົງເຂດການຜະລິດ ແລະ ການສ້ອມແປງ ໃນຂອບເຂດໂຮງງານ. ກອງພົນທີ 3: ໄດ້ຈັດພິທີປະກາດການແຕ່ງຕັ້ງ ພະນັກງານຊ່ວຍວຽກຂັ້ນພະແນກ, ຂັ້ນກອງຮ້ອຍ, ຂັ້ນໝວດ, ຂັ້ນໝູ່ ຢູ່ບັນດາອົງການ, ກົມກອງທີ່ຂຶ້ນກັບກອງພົນ, ໂດຍການເປັນປະທານຂອງສະຫາຍ ພັນເອກ ຄຳຕັນ ແສງມາລາພອນ ຫົວໜ້າຫ້ອງການເມືອງ ກອງພົນທີ 3, ມີຄະນະຫ້ອງ, ຄະນະພັກ-ຄະນະບັນຊາ, ພະນັກງານມາຈາກອົງການ, ກົມກອງເຂົ້າຮ່ວມ. ທັງນີ້, ກໍເພື່ອປະຕິບັດຕາມ ທິດທາງກ່ຽວກັບການປັບປຸງບູລະນະການຈັດຕັ້ງນຳພາ-ບັນຊາ ໃນກຳລັງປະກອບອາວຸດ ໃຫ້ເຂັ້ມແຂງ, ໜັກແໜ້ນຮອບດ້ານ ເພື່ອເຮັດສຳເລັດໜ້າທີ່ ປົກປັກຮັກສາ ແລະ ພັດທະນາປະເທດຊາດ.

news to day and hot news